ടി20 ലോകകപ്പ്: ഇന്ത്യ - കാനഡ മത്സരം ഉപേക്ഷിച്ചു

ഇന്ത്യയ്ക്കും കാനഡയ്ക്കും ഓരോ പോയിന്‍റു വീതം ലഭിച്ചു.
t20 india canada match abandoned
ടി20 ലോകകപ്പ്: ഇന്ത്യ - കാനഡ മത്സരം ഉപേക്ഷിച്ചു

ഫ്‌ളോറിഡ: ടി20 ലോകകപ്പിലെ ഇന്ത്യ - കാനഡ മത്സരം ഉപേക്ഷിച്ചു. മോശം കാലാവസ്ഥയും നനഞ്ഞ ഔട്ട്ഫീല്‍ഡും കാരണമാണ് മത്സരം ഉപേക്ഷിച്ചത്. ഔട്ട്ഫീല്‍ഡ് നനഞ്ഞു കിടക്കുന്നതിനാൽ ഒരു പന്തുപോലും എറിയാതെ മത്സരം ഉപേക്ഷിക്കാൻ തീരുമാനിക്കുകയായിരുന്നു.

ഇതോടെ ഇന്ത്യയ്ക്കും കാനഡയ്ക്കും ഓരോ പോയിന്‍റു വീതം ലഭിച്ചു. ഇതോടെ എ ഗ്രൂപ്പില്‍ ഒന്നാമതുള്ള ഇന്ത്യയ്ക്ക് ഏഴു പോയിന്‍റായി. 3 പോയിന്‍റുള്ള കാനഡ മൂന്നാം സ്ഥാനത്താണ്. ഇന്ത്യയും രണ്ടാം സ്ഥാനക്കാരായ യുഎസ്എയും നേരത്തേ സൂപ്പര്‍ 8 ഉറപ്പിച്ചിരുന്നു.

സൂപ്പര്‍ 8 മത്സരങ്ങള്‍ക്കായി ഇന്ത്യൻ ടീം ഉടൻ വെസ്റ്റിന്‍ഡീസിലേക്ക് തിരിക്കും. വെള്ളിയാഴ്ച ഇതേവേദിയില്‍ നടക്കേണ്ടിയിരുന്ന യുഎസ്-അയര്‍ലന്‍ഡ് മത്സരം കനത്ത മഴയില്‍ നനഞ്ഞ ഔട്ട് ഫീല്‍ഡ് മൂലം ടോസ് പോലും സാധ്യമാവാതെ ഉപേക്ഷിച്ചിരുന്നു. ഇതോടെ പാകിസ്ഥാന്‍ സൂപ്പര്‍ എട്ടിലെത്താതെ പുറത്താവുകയും ചെയ്തു.

Trending

No stories found.

Latest News

No stories found.