സച്ചിൻ ടെൻഡുൾക്കർ, വൈഭവ് സൂര്യവംശി
ന്യൂഡൽഹി: അയർലൻഡിനും ഇംഗ്ലണ്ടിനുമെതിരായ പരമ്പരയ്ക്കുള്ള ഇന്ത്യൻ ടീമിൽ ഇടം നേടിയതോടെ ഐതിഹാസിക താരം സച്ചിൻ ടെൻഡുൾക്കറുടെ റെക്കോഡ് തകർത്തിരിക്കുകയാണ് 15കാരനായ വൈഭവ് സൂര്യവംശി. അന്താരാഷ്ട്ര ക്രിക്കറ്റിൽ ഇന്ത്യൻ ടീമിൽ ഇടം നേടുന്ന ഏറ്റവും പ്രായം കുറഞ്ഞ താരമെന്ന റെക്കോഡാണ് വൈഭവ് സ്വന്തം പേരിലേക്ക് ചേർത്തിരിക്കുന്നത്.
1989ൽ 16 വയസ് പ്രായമുള്ളപ്പോഴായിരുന്നു സച്ചിൻ ഇന്ത്യൻ ടീമിൽ ഇടം നേടിയത്. ഇത്തവണത്തെ ഐപിഎല്ലിൽ തീപ്പൊരി പ്രകടനം കാഴ്ചവച്ച താരത്തിന് വരാനിരിക്കുന്ന പരമ്പരകളിലും സമാന പ്രകടനം പുറത്തെടുക്കാനാവുമെന്ന പ്രതീക്ഷയിലാണ് ആരാധകർ.
