വൈഭവ് സൂര‍്യവംശി, ക്രിസ് ഗെയ്‌ൽ
ജയ്പുർ: ലഖ്നൗ സൂപ്പർ ജയന്‍റ്സിനെതിരായ ഐപിഎൽ മത്സരത്തിൽ 38 പന്തി 93 റൺസ് അടിച്ചെടുത്തതോടെ പുതിയ റെക്കോഡ് സ്വന്തം പേരിലേക്ക് ചേർത്തിരിക്കുകയാണ് യുവ ബാറ്റിങ് സെൻസേഷൻ വൈഭവ് സൂര‍്യവംശി.
ഒരു ഐപിഎൽ സീസണിൽ ഏറ്റവും കൂടുതൽ സിക്സർ അടിക്കുന്ന താരങ്ങളുടെ പട്ടികയിൽ വൈഭവ് രണ്ടാം സ്ഥാനത്തെത്തി. നിലവിൽ 53 സിക്സറാണ് താരം അടിച്ചെടുത്തത്.
7 സിക്സ് കൂടി വൈഭവിന് നേടാനായാൽ പട്ടികയിൽ ഒന്നാം സ്ഥാനത്തുള്ള ക്രിസ് ഗെയിലിനെ മറികടക്കാം. 50തിലധികം സിക്സ് നേടുന്ന ആദ‍്യ ഇന്ത‍്യൻ താരം കൂടിയാണ് ഈ 15കാരൻ. രാജസ്ഥാൻ റോയൽസിന് ഇനിയും മത്സരങ്ങളുള്ളതിനാൽ വൈഭവ് ഗെയിലിനെ മറികടക്കുമെന്ന പ്രതീക്ഷയിലാണ് ആരാധകർ. ഈ ഐപിഎൽ സീസണിൽ 13 മത്സരങ്ങളിൽ നിന്നും 579 റൺസ് നേടി റൺവേട്ടക്കാരുടെ പട്ടികയിൽ ഒന്നാം സ്ഥാനത്താണ് വൈഭവ്.
