ഹർമൻ പ്രീത് കൗർ
മുംബൈ: വനിതാ ഏകദിന ലോകകപ്പിൽ ഇന്ത‍്യൻ ടീം കന്നി കിരീടം നേടിയതിനു പിന്നാലെ ഹർമൻപ്രീത് കൗർ ക‍്യാപ്റ്റൻ സ്ഥാനം ഒഴിയണമെന്ന് മുൻ ഇന്ത‍്യൻ ക‍്യാപ്റ്റൻ ശാന്താ രംഗസ്വാമി. ഹർമൻ പ്രീത് ക‍്യാപ്റ്റൻ സ്ഥാനം ഒഴിഞ്ഞ് സ്മൃതി മന്ഥാനയെ ക‍്യാപ്റ്റനാക്കണമെന്നാണ് ശാന്താ രംഗസ്വാമിയുടെ ആവശ‍്യം.
ക‍്യാപ്റ്റൻ സ്ഥാനം ഒഴിഞ്ഞാലും ഹർമന് ബാറ്ററായും ഫീൽഡറായും ടീമിൽ തുടരാമെന്നും ക‍്യാപ്റ്റൻസിയിൽ നിന്നും ഒഴിവാവുന്നതോടെ സ്വതന്ത്രമായി കളിക്കാൻ സാധിക്കുമെന്നും ശാന്താ രംഗസ്വാമി കൂട്ടിച്ചേർത്തു.
