മുംബൈ: മുംബൈയുടെ ചരിത്ര പ്രധാനമായ വാങ്കഡെ ക്രിക്കറ്റ് സ്റ്റേഡിയം അതിന്റെ 50-ാം വാർഷികം ആഘോഷിക്കാൻ ഒരുങ്ങുന്നു. ഞായറാഴ്ച ഗംഭീരമായ ആഘോഷത്തിനാണ് സ്റ്റേഡിയം തയ്യാറെടുക്കുന്നത്. മുൻകാല ക്രിക്കറ്റ് ഇതിഹാസങ്ങളും നിലവിലെ ക്രിക്കറ്റ് ഇതിഹാസങ്ങളും പങ്കെടുക്കുന്ന ആഘോഷത്തിൽ പ്രശസ്ത കലാകാരന്മാരുടെ സംഗീത പരിപാടികൾ ഉണ്ടായിരിക്കും.
സുനിൽ ഗവാസ്കർ, സച്ചിൻ ടെണ്ടുൽക്കർ, രോഹിത് ശർമ, സൂര്യകുമാർ യാദവ് തുടങ്ങി മുൻകാല ക്രിക്കറ്റ് ഇതിഹാസങ്ങളും ഇന്നത്തെ ക്രിക്കറ്റ് ഇതിഹാസങ്ങളും, വാങ്കഡെ സ്റ്റേഡിയത്തിന്റെ ഈ സുവർണ്ണ വേളയിൽ പങ്കെടുക്കും. സംഗീത പരിപാടികൾക്ക് പുറമെ ഒരു മാസ്മരിക ലേസർ ഷോയും ആഘോഷത്തിൽ ഉണ്ടായിരിക്കും. ക്രിക്കറ്റ് പ്രേമികൾക്ക് ആഘോഷത്തിൽ പങ്കെടുക്കാൻ ഓൺലൈൻ വഴി ടിക്കറ്റ് ബുക്ക് ചെയ്യാം.
അതേസമയം "മുംബൈയുടെ യഥാർത്ഥ അഭിമാനമായ വാങ്കഡെ സ്റ്റേഡിയം ക്രിക്കറ്റിലെ ഏറ്റവും ചരിത്ര നിമിഷങ്ങൾ കണ്ടിട്ടുണ്ട്. ക്രിക്കറ്റും തത്സമയ വിനോദവും സമന്വയിപ്പിക്കുന്ന ഈ ആഘോഷം, ആക്ഷന്റെ ഭാഗമാകാനും ഒഴിവാക്കാനാവാത്ത ഒരു കാഴ്ച്ച അനുഭവിക്കാനുമുള്ള മുംബൈക്കാർക്ക് ഒരു അവസരമാണ്,” വക്താവ് പറഞ്ഞു.
