ലോക കപ്പ്: പാ​ക് പ​ട ഇന്ന്​ ഇറ​ങ്ങും, എതിരാളികൾ നെ​ത​ർ​ല​ൻ​ഡ്സ്

ഹൈ​ദ​രാ​ബാ​ദ്: ഏ​ക​ദി​ന ലോ​ക​ക​പ്പ് ആ​ദ്യ പോ​രാ​ട്ട​ത്തി​ന് പാ​ക്കി​സ്ഥാ​ൻ ഇ​റ​ങ്ങു​ന്നു. ത​ങ്ങ​ളു​ടെ അ​ഞ്ചാ​മ​ത്തെ ലോ​ക​ക​പ്പ് മ​ത്സ​രം മാ​ത്രം ക​ളി​ക്കു​ന്ന നെ​ത​ർ​ല​ൻ​ഡ്സാ​ണ് എ​തി​രാ​ളി​ക​ൾ.

ലോ​ക​ക​പ്പ് ക്രി​ക്ക​റ്റി​ൽ നാ​ല് വ​ർ​ഷം മു​മ്പു​ണ്ടാ​യ വി​നാ​ശ​ക​ര​മാ​യ തു​ട​ക്കം ആ​വ​ർ​ത്തി​ക്കാ​തി​രി​ക്കാ​ൻ പാ​കി​സ്ഥാ​ൻ ക​രു​ത​ലോ​ടെ​യാ​കും ഇ​ന്ന് ഇ​റ​ങ്ങു​ന്ന​ത്. 2019ൽ ​നോ​ട്ടി​ങ്ഹാ​മി​ൽ വെ​സ്റ്റ് ഇ​ൻ​ഡീ​സി​നോ​ട് ആ​ദ്യ മ​ത്സ​രം തോ​റ്റ പാ​ക്കി​സ്ഥാ​ന് നെ​റ്റ് റ​ൺ റേ​റ്റി​ൽ ന​ഷ്ട​മാ​യ​ത് സെ​മി ഫൈ​ന​ൽ സ്ഥാ​ന​മാ​ണ്. അ​തു​കൊ​ണ്ട് ബാ​ബ​റും സം​ഘ​വും ഇ​ന്ന് വി​ജ​യ​ത്തി​ൽ കു​റ​ഞ്ഞൊ​ന്നും പ്ര​തീ​ക്ഷി​ക്കു​ന്നി​ല്ല. ഹൈ​ദ​രാ​ബാ​ദ് ‌രാ​ജീ​വ് ഗാ​ന്ധി ഇ​ന്‍റ​ർ​നാ​ഷ്ണ​ൽ സ്റ്റേ​ഡി​യ​ത്തി​ൽ ഉ​ച്ച​യ്ക്ക് ര​ണ്ട് മു​ത​ലാ​ണ് പോ​രാ​ട്ടം.

വി​ജ​യ​മു​റ​പ്പി​ക്കാ​ൻ പാ​ക്കി​സ്ഥാ​ൻ

തു​ട​ർ​തോ​ൽ​വി​ക​ളു​മാ​യാ​ണ് പാ​ക്കി​സ്ഥാ​ൻ ലോ​ക​ക​പ്പി​ന് എ​ത്തു​ന്ന​ത്. ക​ഴി​ഞ്ഞ മാ​സം ശ്രീ​ല​ങ്ക​യി​ൽ ന​ട​ന്ന ഏ​ഷ്യാ​ക​പ്പ് പോ​രാ​ട്ട​ത്തി​ൽ ഇ​ന്ത്യ​യ്ക്കെ​തി​രേ ക​ന​ത്ത തോ​ൽ​വി​യോ​ടെ തു​ട​ങ്ങി​യ പാ​ക്കി​സ്ഥാ​ൻ സൂ​പ്പ​ർ ഫോ​ർ പോ​രാ​ട്ട​ത്തി​ൽ ശ്രീ​ല​ങ്ക​യോ​ട് തോ​റ്റ് പു​റ​ത്താ​യി. അ​ടു​ത്തി​ടെ ന​ട​ന്ന ലോ​ക​ക​പ്പ് സ​ന്നാ​ഹ​ങ്ങ​ളി​ലും ന്യൂ​സി​ല​ൻ​ഡി​നെ​നോ​ടും ഓ​സ്‌​ട്രേ​ലി​യ​യോ​ടും അ​വ​ർ തോ​റ്റി​രു​ന്നു. ഷ​ഹീ​ൻ ഷാ ​അ​ഫ്രീ​ഡി​ക്കൊ​പ്പം ന്യൂ​ബോ​ൾ പ​ങ്കി​ട്ടി​രു​ന്ന ന​സീം ഷാ​യ്ക്ക് പ​രു​ക്കേ​റ്റ​ത് പാ​ക്കി​സ്ഥാ​ന് ഏ​റെ പ്ര​തി​സ​ന്ധി സ​മ്മാ​നി​ച്ചി​ട്ടു​ണ്ട്. എ​ന്നാ​ൽ ഹാ​രീ​സ് റൗ​ഫ് മി​ന്നും ഫോ​മി​ൽ തു​ട​രു​ന്ന​തും സ്പി​ൻ ത്ര​യ​ങ്ങ​ളാ​യ ഷ​ദാ​ബ് ഖാ​ൻ, ഉ​സാ​മ മി​ർ, മു​ഹ​മ്മ​ദ് ന​വാ​സ്, പാ​ർ​ട്ട് ടൈം​മാ​രാ​യ ഇ​ഫ്തി​ഖ​ർ അ​ഹ​മ്മ​ദ്, ആ​ഘ സ​ൽ​മാ​ൻ എ​ന്നി​വ​രു​ടെ പി​ന്തു​ണ​യോ​ടെ ടൂ​ർ​ണ​മെ​ന്‍റി​ൽ സ്ലോ ​ബൗ​ളി​ങ്ങി​നെ​തി​രേ എ​തി​രാ​ളി​ക​ളു​ടെ ദൗ​ർ​ബ​ല്യ​ങ്ങ​ൾ തു​റ​ന്നു​കാ​ട്ടു​മെ​ന്ന് പ്ര​തീ​ക്ഷി​ക്കു​ന്നു.

2016 ടി-20 ​ലോ​ക​ക​പ്പ് മ​ത്സ​ര​ങ്ങ​ൾ​ക്ക് പി​ന്നാ​ലെ ഏ​ഴ് വ​ർ​ഷ​ങ്ങ​ൾ​ക്ക് ശേ​ഷ​മാ​ണ് പാ​ക്കി​സ്ഥാ​ൻ ടീം ​ഇ​ന്ത്യ സ​ന്ദ​ർ​ശി​ക്കു​ന്ന​ത്. എ​ന്നാ​ൽ ഇ​ന്ത്യ​ൻ പി​ച്ചി​ൽ മി​ക​ച്ച പ്ര​ക​ട​നം ന​ട​ത്താ​ൻ ടീം ​സ​ജ്ജ​മാ​ണെ​ന്ന് പാ​ക് നാ​യ​ക​ൻ ബാ​ബ​ർ അ​സം ത​റ​പ്പി​ച്ചു പ​റ​യു​ന്നു.

"" ഞ​ങ്ങ​ളു​ടെ വ​ര​വി​നു​ശേ​ഷം ക​ഴി​ഞ്ഞ ആ​ഴ്‌​ച​യി​ൽ ഞ​ങ്ങ​ൾ​ക്ക് ന​ല്ല പ​രി​ശീ​ല​ന​വും വാം-​അ​പ്പ് മ​ത്സ​ര​ങ്ങ​ളും ല​ഭി​ച്ചു''- അ​സം പ​റ​ഞ്ഞു.

ഏ​ക​ദി​ന ക്രി​ക്ക​റ്റി​ലെ മി​ക​ച്ച ബാ​റ്റ്സ്മാ​ന്മാ​രി​ൽ ഒ​രാ​ളാ​ണ് പാ​ക്ക് നാ​യ​ക​ൻ ബാ​ബ​ർ അ​സം ക​ഴി​ഞ്ഞ ര​ണ്ട് സ​ന്നാ​ഹ​ങ്ങ​ളി​ൽ 80, 90 റ​ൺ​സ് അ​ടി​ച്ച് താ​ൻ ഫോം ​വീ​ണ്ടെ​ടു​ത്തും പാ​ക് ക്യാം​പി​ന് ആ​ശ്വാ​സ​മാ​ണ്.

ആ​റി​ൽ ആ​റും

1992 ലെ ​ചാം​പ്യ​ന്മാ​രാ​യ പാ​ക്കി​സ്ഥാ​ൻ മു​ൻ​പ് ഏ​റ്റു​മു​ട്ടി​യ ആ​റ് മ​ത്സ​ര​ങ്ങ​ളി​ലും തോ​ൽ​പ്പി​ച്ച ഡ​ച്ചി​നെ വി​ല​കു​റ​ച്ച് കാ​ണി​ല്ലെ​ന്ന് ബാ​ബ​ർ ത​റ​പ്പി​ച്ചു പ​റ​ഞ്ഞു. ലോ​ക റാ​ങ്കി​ങ്ങി​ൽ 14-ാം സ്ഥാ​ന​ത്തു​ള്ള നെ​ത​ർ​ല​ൻ​ഡ്‌​സി​ന് ഈ ​വ​ർ​ഷം ആ​ദ്യം സിം​ബാ​ബ്‌​വെ​യി​ൽ ന​ട​ന്ന യോ​ഗ്യ​താ മ​ത്സ​രം ക​ളി​ച്ചാ​ണ് ശ്രീ​ല​ങ്ക​യ്ക്കൊ​പ്പം ഇ​ന്ത്യ​യി​ലേ​ക്ക് ടി​ക്ക​റ്റെ​ടു​ത്ത​ത്.

"" ഈ ​ലോ​ക​ക​പ്പി​ൽ ക​ളി​ച്ച​തി​ന് നെ​ത​ർ​ല​ൻ​ഡി​നെ അ​ഭി​ന​ന്ദി​ക്കാ​ൻ ഞാ​ൻ ആ​ഗ്ര​ഹി​ക്കു​ന്നു. യോ​ഗ്യ​താ മ​ത്സ​ര​ങ്ങ​ളി​ൽ അ​വ​ർ കു​റ​ച്ച് ന​ല്ല പ്ര​ക​ട​ന​ങ്ങ​ൾ ന​ട​ത്തി. അ​തു​കൊ​ണ്ടാ​ണ് അ​വ​ർ ഇ​വി​ടെ​യു​ള്ള​ത്,” ബാ​ബ​ർ കൂ​ട്ടി​ച്ചേ​ർ​ത്തു.

പ്ര​തീ​ക്ഷ​യോ​ടെ ഡ​ച്ച് പ​ട

1996ൽ ​ക​ന്നി ലോ​ക​ക​പ്പി​ൽ ക​ളി​ച്ച​തി​ന് ശേ​ഷം ര​ണ്ട് മ​ത്സ​ര​ങ്ങ​ളി​ൽ മാ​ത്ര​മാ​ണ് നെ​ത​ർ​ല​ൻ​ഡ്‌​സി​ന് ജ​യി​ക്കാ​നാ​യ​ത്. യോ​ഗ്യ​താ മ​ത്സ​ര​ങ്ങ​ളി​ൽ ക​ളി​ക്കാ​തി​രു​ന്ന സ്പി​ന്ന​ർ​മാ​രാ​യ കോ​ളി​ൻ അ​ക്ക​ർ​മാ​ൻ, റോ​ലോ​ഫ് വാ​ൻ ഡെ​ർ മെ​ർ​വെ, പേ​സ​ർ പോ​ൾ വാ​ൻ മീ​കെ​രെ​ൻ എ​ന്നി​വ​ർ ലോ​ക​ക​പ്പ് ടീ​മി​ൽ തി​രി​ച്ചെ​ത്തി​യ​ത് അ​വ​ർ​ക്ക് ഏ​റെ ആ​ത്മ​വി​ശ്വാ​സം സ​മ്മാ​നി​ക്കു​ന്നു.

ഉ​പ​ഭൂ​ഗ​ണ്ഡ​ത്തി​ൽ 2011 ലോ​ക​ക​പ്പ് പോ​രാ​ട്ട​ത്തി​ന് ഇ​റ​ങ്ങി​യ ഏ​ക അം​ഗ​മാ​യ വെ​സ്ലി ബ​റേ​സി​യാ​ണ് ടീ​മി​ലെ പ​രി​ച​യ​സ​മ്പ​ന്ന​നാ​യ താ​രം. മാ​ക്സ് ഒ ​ഡൗ​ഡ്, വി​ക്രം​ജി​ത് സിം​ഗ്, തേ​ജ നി​ദാ​മാ​നു​രു, ക്യാ​പ്റ്റ​ൻ സ്കോ​ട്ട് എ​ഡ്വേ​ർ​ഡ്സ് എ​ന്നി​വ​രു​ടെ ബാ​റ്റി​ങ്ങ് പ്ര​ക​ട​ന​വും ഡ​ച്ച് പ​ട​യ്ക്ക് ഏ​റെ ആ​ശ്വാ​സ​മാ​ണ്.

എ​ന്നാ​ൽ അ​വ​രു​ടെ പ്ര​തീ​ക്ഷ​ക​ൾ ഏ​റെ​ക്കു​റെ ക്വാ​ളി​ഫ​യ​റി​ൽ നെ​ത​ർ​ല​ൻ​ഡ്സി​നാ​യി മി​ക​ച്ച പ്ര​ക​ട​നം ന​ട​ത്തി​യ ഓ​ൾ​റൗ​ണ്ട​ർ​മാ​രാ​യ ബാ​സ് ഡി ​ലീ​ഡി​ലും ലോ​ഗ​ൻ വാ​ൻ ബീ​ക്കി​ലും ആ​യി​രി​ക്കും.

സിം​ബാ​ബ്‌​വെ​യി​ൽ ഡി ​ലീ​ഡ് 285 റ​ൺ​സും 15 വി​ക്ക​റ്റും നേ​ടി​യ​പ്പോ​ൾ വെ​സ്റ്റ് ഇ​ൻ​ഡീ​സി​നെ​തി​രാ​യ സൂ​പ്പ​ർ ഓ​വ​റി​ൽ വാ​ൻ ബീ​ക്ക് 30 റ​ൺ​സും ര​ണ്ട് വി​ക്ക​റ്റും നേ​ടി.എ​ങ്കി​ലും തീ​തു​പ്പു​ന്ന പാ​ക് പേ​സ് പ​ട​യെ എ​ങ്ങ​നെ വ​രു​തി​യി​ലാ​ക്കു​മെ​ന്ന​തി​ൽ ആ​ശ്ര​യി​ച്ചാ​കും ഡ​ച്ച് പ​ട​യും വി​ജ​യ പ്ര​തീ​ക്ഷ​ക​ൾ.

ഏ​ക​ദി​ന ലോ​ക​ക​പ്പി​ന്‍റെ പ​തി​മൂ​ന്നാം പ​തി​പ്പി​ൽ ആ​കെ മൂ​ന്ന് മ​ത്സ​ര​ങ്ങ​ളാ​ണ് ഹൈ​ദ​രാ​ബാ​ദി​ലെ രാ​ജീ​വ് ഗാ​ന്ധി രാ​ജ്യാ​ന്ത​ര സ്റ്റേ​ഡി​യ​ത്തി​ൽ ന​ട​ക്കു​ന്ന​ത്. ഇ​വി​ടെ ഏ​ഴ് 50 ഓ​വ​ർ മ​ത്സ​ര​ങ്ങ​ൾ ന​ട​ന്നി​ട്ടു​ണ്ട്. ഇ​വി​ടെ 288 റ​ൺ​സാ​ണ് ശ​രാ​ശ​രി ആ​ദ്യ ഇ​ന്നി​ങ്സ് സ്കോ​ർ.