ക്യുപ്പെർട്ടിനോ (യുഎസ്എ): ചാറ്റ്ജിപിടിയും ഗൂഗ്ൾ ബാർഡും അടക്കം ആർട്ടിഫിഷ്യൽ ഇന്‍റലിജൻസ് പ്ലാറ്റ്ഫോമിൽ പ്രവർത്തിക്കുന്ന ചാറ്റ്ബോട്ടുകൾക്ക് വെല്ലുവിളിയായി ആപ്പിൾ സ്വന്തം ചാറ്റ്ബോട്ട് വികസിപ്പിച്ചെടുക്കുന്നു.
ലാർജ് ലാംഗ്വേജ് മോഡൽ നിർമിക്കുന്നതിനുള്ള ഫ്രെയിംവർക്ക് ആപ്പിൾ സ്വന്തം നിലയ്ക്ക് വികസിപ്പിച്ചുകഴിഞ്ഞെന്നാണ് സൂചന. അയാക്സ് എന്നാണ് ഈ ഫ്രെയിംവർക്കിനു നൽകിയിരിക്കുന്ന പേര്.
ഇതുപയോഗിച്ച് തയാറാക്കുന്ന ചാറ്റ്ബോട്ടിന് ഔപചാരികമായി പേരിട്ടിട്ടില്ലെങ്കിലും, അതിനു പിന്നിൽ പ്രവർത്തിക്കുന്നവർ ആപ്പിൾ ജിപിടി എന്നാണ് സൗകര്യപൂർവം വിശേഷിപ്പിക്കുന്നത്.
ആപ്പിളിന്‍റെ ആർട്ടിഫിഷ്യൽ ഇന്‍റലിജൻസ് ഉദ്യമത്തെക്കുറിച്ചുള്ള വാർത്തകൾ പുറത്തുവന്നതോടെ കമ്പനിയുടെ ഓഹരികളിൽ 2.3 ശതമാനം വളർച്ചയാണ് രേഖപ്പെടുത്തിയിരിക്കുന്നത്.
