കൊച്ചി: സംസ്ഥാനത്ത് സ്വർണവിലയിൽ ഇന്നും വർധന. ഗ്രാമിന് 30 രൂപ വർധിച്ച് ഒരു ഗ്രാം സ്വർണത്തിന്‍റ വില 6,635 രൂപയിലെത്തി. പവന് 240 രൂപ വർധിച്ച് 53,080 രൂപയായി ഉയർന്നു. 18 കാരറ്റിൽ ഒരു ഗ്രാം സ്വർണത്തിന് വില 20 രൂപ കൂടി.

സ്വർണത്തിന്‍റെ ക്രമാതീതമായ വില വർധന 18 കാരറ്റ് സ്വർണാഭരണങ്ങളുടെ ഡിമാൻഡ് വർധിപ്പിക്കുകയാണ്. 22 കാരറ്റ് സ്വർണാഭരണങ്ങളും 18 കാരറ്റ് സ്വർണാഭരണങ്ങളും തമ്മിൽ ആയിരത്തിലധികം രൂപയുടെ വില വ്യത്യാസം ആണ് ഗ്രാമിനുള്ളത്.