തെരുവുനായ ശല്യം കൊണ്ട് പൊറുതിമുട്ടിയിരിക്കുകയാണ് നമ്മൾ. കഴിഞ്ഞ 7 വർഷത്തിനുള്ളിൽ കേരളത്തിൽ നായ്ക്കളുടെ കടിയേറ്റ കേസുകൾ ഇരട്ടിയായി വർധിച്ചു. 2024 ൽ സംസ്ഥാനത്ത് 3,16,000 കേസുകളും റിപ്പോർട്ട് ചെയ്തു. എന്നാൽ 2017 ൽ 1,35,000 ആയിരുന്നു. തെരുവ് നായ്‌കളിൽ നിന്ന് രക്ഷ നേടാന്‍ എന്തൊക്കെ ചെയ്യണമെന്ന് നോക്കാം.

• തെരുവ് നായയെ കണ്ടാൽ ആദ്യം ചെയ്യേണ്ടത് ശാന്തത പാലിക്കുക എന്നതാണ്.

• ഭയപ്പെടാതെ ഇരിക്കുക, നമ്മളുടെ ഭയം അവയുടെ ആക്രമണത്തിന് കാരണമായേക്കാം.

• നായയുമായി നേരിട്ട് കണ്ണിൽ നോക്കുന്നത് ഒഴിവാക്കുക, കാരണം ഇത് ഒരു വെല്ലുവിളിയോ ഭീഷണിയോ ആയി നായ കണ്ടേക്കും. പകരം തല താഴ്ത്തി വയ്ക്കുക.

• നായ അടുത്തെത്തിയാൽ പതുക്കെ പിന്നോട്ട് പോകുക. പുറം തിരിഞ്ഞു നിൽക്കുകയോ ഓടിപ്പോകുകയോ ചെയ്യരുത്. നായയെ അഭിമുഖീകരിച്ച് സാവധാനത്തിലും ശാന്തമായും അകന്നു നിൽക്കുക.

• നായ നമ്മളെ സമീപിക്കുകയാണെങ്കിൽ ഉച്ചത്തിലുള്ള ശബ്ദം ഉപയോഗിച്ച് അവയെ ഭയപ്പെടുത്താൻ ശ്രമിക്കുക.

• നായ ആക്രമിച്ചാൽ സ്വയം രക്ഷിക്കാൻ ലഭ്യമായതെല്ലാം ഉപയോഗിക്കുക. സ്വയം പ്രതിരോധത്തിനായി നായയുടെ മൂക്കിലോ തലയിലോ അടിക്കാൻ ശ്രമിക്കുക.

• പരിക്കുകൾ നിസാരമായി തോന്നിയാലും ഡോക്ടറെ കണ്ട് പരിശോധിക്കുക. ചെറിയ കടിയേറ്റാൽ പോലും അണുബാധ ഉണ്ടാകാം. ഈ നുറുങ്ങുകൾ മനസ്സിൽ വെച്ചുകൊണ്ട് നായയെ നേരിടാം