കണ്ണൂർ: മാരക മയക്കുമരുന്നായ എംഡിഎംഎയുമായി രണ്ടു പേരെ പൊലീസ് അറസ്റ്റു ചെയ്തു. ഇവരിൽ നിന്ന് 4.6 ഗ്രാം എംഡിഎംഎ പിടിച്ചെടുത്തു. പരിയാരം സ്വദേശി പി. സുനീഷ് (29), മാട്ടൂൽ നോർത്ത് സ്വദേശി എൻ. നിസാർ (40) എന്നിവരാണ് പിടിയിലായത്.

തളിപ്പറമ്പ് ബസ് സ്റ്റാൻഡിൽ റെഡിമെയ്ഡ് തുണിക്കട നടത്തുകയാണ് സുനീഷ്. പുതിയങ്ങാടി ബീച്ച് റോഡിൽ പലചരക്ക് കട നടത്തുകയാണ് നിസാർ. 2021ൽ മാട്ടൂലിൽ നിന്ന് കഞ്ചാവ് പിടികൂടിയ കേസിലും പ്രതിയാണ് നിസാർ എന്ന് പൊലീസ് പറഞ്ഞു. സംഭവത്തിൽ പൊലീസ് വിശദമായ അന്വേഷണം നടത്തിവരികയാണ്.