തിരുവനന്തപുരം: സംസ്ഥാനത്ത് വിവിധ ഭാഗങ്ങളിലായി ഇന്നും തെരുവുനായ ആക്രമണം. മലപ്പുറത്തും, പത്തനംതിട്ടയിലുമാണ് തെരുവുനായയുടെ ആക്രമണം.

മലപ്പുറം മമ്പാട് വീടിന്‍റെ മുറ്റത്ത് കളിച്ചുകൊണ്ടിരുന്ന 8 വയസുകാരനെ തെരുവുനായകൾ ആക്രമിച്ചു. ഇന്നുച്ചയ്ക്ക് ശേഷമായിരുന്നു അപകടം. 5 തെരുവുനായകൾ കുട്ടിയെ കൂട്ടത്തോടെ ആക്രമിക്കുകയായിരുന്നു. കാലിനു പരുക്കേറ്റ കുട്ടിയെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ലെന്നാണ് വിവരം.

പത്തനംതിട്ടയിലും തെരുവുനായയുടെ ആക്രമണം ഉണ്ടായി. കോട്ടാങ്ങൽ പഞ്ചായത്തംഗം ഉൾപ്പടെ 5 പേരെയാണ് നായ കടിച്ചത്.