തിരുവനന്തപുരം: ബംഗാള് ഉള്ക്കടലില് വീണ്ടുമൊരു ന്യൂനമര്ദ്ദം രൂപപ്പെടാന് സാധ്യത. ഇതിനു പുറമെ ലക്ഷദ്വീപിന് മുകളില് ചക്രവാത ചുഴിയും രൂപപ്പെട്ടിട്ടുണ്ട്. ഇതിന്റെ സ്വാധീനഫലമായി സംസ്ഥാനത്ത് വരും ദിവസങ്ങളില് വ്യാപകമായി മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ഇടിമിന്നലോട് കൂടിയ മഴയ്ക്കുള്ള സാധ്യതയാണ് അറിയിപ്പിൽ പറഞ്ഞിട്ടുളളത്. ഇതിനാൽ ജാഗ്രതാ നിർദേശവുമുണ്ട്. വടക്കന് ആന്ഡമാന് കടലിനു മുകളില് ഞായറാഴ്ചയോടെ ചക്രവാതചുഴി രൂപപ്പെടാന് സാധ്യതയുണ്ട്. ചൊവ്വാഴ്ചയോടെ മധ്യ ബംഗാള് ഉള്ക്കടലിന് മുകളില് ഇത് ന്യൂനമര്ദ്ദമായി ശക്തി പ്രാപിക്കാന് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം.
അതേസമയം, അടുത്ത 3 മണിക്കൂറിൽ (8am-10am) കേരളത്തിലെ തൃശ്ശൂർ, പാലക്കാട് ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്കും, ആലപ്പുഴ, ഇടുക്കി, എറണാകുളം, കാസർഗോഡ് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ടെന്ന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.