പത്തനംതിട്ട: പേപ്പട്ടിയുടെ കടിയേറ്റയാൾ മരിച്ചു. അടൂര്‍ വെള്ളക്കുളങ്ങര പറവൂര്‍ കലായില്‍ സ്വദേശി പി എം സൈമണ്‍ (58) ആണ് മരിച്ചത്. രണ്ടാഴ്ച മുമ്പാണ് സൈമണിനെ തെരുവുനായ കടിച്ചത്. എന്നാലിയാൾ പ്രതിരോധ കുത്തിവെയ്പ് എടുത്തിരുന്നില്ലെന്നാണ് വിവരം.

കോട്ടയം മെഡിക്കല്‍ കോളെജില്‍ ചികിത്സയിലിരിക്കെയായിരുന്നു മരണം. പേവിഷബാധയേറ്റാണ് മരണമെന്നാണ് ഡോക്‌ടർമാരുടെ നിഗമനം. എന്നാൽ രക്തസാമ്പിളിന്‍റെ പരിശോധന ഫലം കൂടിവന്നാലെ ഇക്കാര്യം സ്ഥിരീകരിക്കാനാകൂ.