തിരുവനന്തപുരം: നിയമന ക്രമക്കേട് വിവാദത്തിൽ ചെയർമാൻ എം.ആർ. ബൈജുവിനെതിരേ രൂക്ഷവിമർശനവുമായി പിഎസ്‌സി യോഗത്തിൽ അംഗങ്ങൾ രംഗത്തെത്തി. അന്വേഷണം അട്ടിമറിക്കുന്നുവെന്നാണ് പ്രധാന വിമർശനം. അതിനായാണ് പരീക്ഷാ കൺട്രോളർക്ക് അന്വേഷണ ചുമതല നൽകിയതെന്നും ഒരു വിഭാഗം അംഗങ്ങൾ ആരോപിച്ചു.

യോഗത്തിലുണ്ടായ കടുത്ത വിമർശനത്തിനൊടുവിൽ പരീക്ഷാ കൺട്രോളറുടെ അന്വേഷണം മരവിപ്പിക്കുകയും വിജിലൻസ് എസ്‌പിക്ക് അന്വേഷണച്ചുമതല നൽകുകയും ചെയ്തു. ചെയർമാനാണ് ഇത് സംബന്ധിച്ച നിർദേശം നൽകിയത്.

പിഎസ്‌സി പരീക്ഷാ ക്രമക്കേട് പരീഷാ കൺട്രോളർ അന്വേഷിക്കുന്നതിൽ മുൻപ് തന്നെ അംഗങ്ങളിൽ നിന്ന് പ്രതിഷേധം ഉണ്ടായിരുന്നു. ഇത് ശക്തമായതോടെയാണ് ചെയർമാന്‍റെ തീരുമാനം.