തിരുവനന്തപുരം: ബംഗാൾ ഉൾക്കടലിൽ സ്ഥിതിചെയ്യുന്ന ന്യൂനമർദത്തിന്റെ സ്വാധാനഫലമായി ഞായറാഴ്ച മുതൽ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പിന്റെ മുന്നറിയിപ്പ്. ഞായറാഴ്ച 6 ജില്ലകളിൽ യെലോ അലർട്ട് പ്രഖ്യാപിച്ചിട്ടുണ്ട്. എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് മുന്നറിയിപ്പ്.
തിങ്കളാഴ്ച എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകള്ക്ക് പുറമേ ആലപ്പുഴയിലും യെലോ അലര്ട്ടാണ്. ഇന്ന് കണ്ണൂര്, കാസർഗോഡ് ജില്ലകളില് മാത്രമാണ് ശക്തമായ മഴ മുന്നറിയിപ്പുള്ളത്.
ബംഗാള് ഉള്ക്കടലില് രൂപപ്പെട്ട ന്യുനമര്ദം അടുത്ത 2-3 ദിവസത്തിനുള്ളില് ബംഗാള്, ഒഡീഷ തീരത്തിനു സമീപം തീവ്ര ന്യുനമര്ദമായി ശക്തി പ്രാപിക്കുകയും തുടര്ന്നുള്ള 3-4 ദിവസത്തിനുള്ളില് കരയില് പ്രവേശിച്ച് ബംഗാൾ വടക്കന് ഒഡീഷ, ജാര്ഖണ്ഡ്, ഛത്തീസ്ഗഡ് മേഖലയിലേക്ക് നീങ്ങാന് സാധ്യതയുണ്ടെന്നും കാലാവസ്ഥാ നീരീക്ഷണ കേന്ദ്രം അറിയിച്ചു.