തിരുവനന്തപുരം: ഗ്യാസ് ഏജൻസി ഉടമയിൽ നിന്ന് കൈക്കൂലി വാങ്ങവെ ഇന്ത്യൻ ഓയിൽ കോർപ്പറേഷൻ (ഐ​ഒ​സി) മാനെജർ വിജിലൻസിന്‍റെ പിടിയിൽ. ഐ​ഒ​സി എറണാകുളം ഡെപ്യൂട്ടി ജനറൽ മാനെജർ അലക്സ്‌ മാത്യുവിനെ​യാ​ണ് അറസ്റ്റ് ചെയ്തത്.

കൊല്ലം കട​യ്ക്കലിലെ ഗ്യാസ് ഏജൻസി ഉടമയിൽ നിന്നാ​ണ് ഇ​യാ​ൾ ര​ണ്ട് ലക്ഷം രൂപ കൈക്കൂലി വാങ്ങി​യ​ത്. പരാതിക്കാരന്‍റെ തിരുവനന്തപുരം പണ്ഡിറ്റ്‌ കോളനിയിലെ വീട്ടിലെത്തി പണം വാങ്ങു​മ്പോ​ൾ വിജിലൻസ് ഡിവൈഎസ്പി പാപ്പച്ചൻ, ഇൻസ്‌പെക്ടർ അഭിലാഷ് എന്നിവർ ചേർന്നാണു പ്ര​തി​യെ പിടികൂടിയത്. കൈ​ക്കൂ​ലി ആ​രോ​പ​ണം നേ​രി​ടു​ന്ന ഇ​യാ​ൾ വി​ജി​ല​ൻ​സി​ന്‍റെ നി​രീ​ക്ഷ​ണ​ത്തി​ലാ​യി​രു​ന്നു.