കോതമംഗലം: കൊച്ചി - ധനുഷ്കോടി ദേശീയപാതയിൽ പണി നടന്നു കൊണ്ടിരിക്കുന്ന കവളങ്ങാട് ടോൾ പ്ലാസ ക്ക് സമീപം നിയന്ത്രണം വിട്ട കാർ ഇലക്ട്രിക് പോസ്റ്റ് ഇടിച്ചു തകർത്തു. ബുധനാഴ്ച രാവിലെ 10.15നാണ് അപകടമുണ്ടായത് .

ഊന്നുകൽ അള്ളുങ്കൽ പാണ്ടാലിൽ വീട്ടിൽ ബേബിയും ഭാര്യയും സഞ്ചരിച്ച കാർ ആണ് നിയന്ത്രണം വിട്ട് റോഡിന് സമീപത്തെ ഇലക്ട്രിക് പോസ്റ്റിൽ ഇടിച്ചത് . കാറിന്‍റെ മുൻവശം തകർന്നു. കാർ യാത്രികർ പരുക്കുകൾ ഇല്ലാതെ രക്ഷപ്പെട്ടു. പ്രദേശത്ത് വൈദ്യുത ബന്ധം നിലച്ചിരിക്കുകയാണ്.