ശ്രീനാരായണ ഗുരുദര്ശനം വ്യാപകമായി പ്രചരിപ്പിക്കണമെന്ന് എം.ഐ ദാമോദരന്
മുംബൈ: ലോകമാനവികതയുടെ ദര്ശനമായ ശ്രീനാരായണ ഗുരുദര്ശനം കൂടുതല് വ്യാപകമായി പ്രചരിപ്പിക്കേണ്ടതുണ്ടെന്ന് ശ്രീ നാരായണ മന്ദിര സമിതി പ്രസിഡന്റ് എം. ഐ. ദാമോദരന് അഭിപ്രായപ്പെട്ടു. പുനസംഘടിപ്പിച്ച സാംസ്കാരിക വിഭാഗത്തിന്റെ ആദ്യ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വിദ്യാഭ്യാസ നേട്ടങ്ങളോടൊപ്പം ഗുരുദര്ശനം എല്ലാ വിഭാഗം ജനങ്ങള്ക്കിടയിലും എത്തിക്കേണ്ടത് അനിവാര്യമാണെന്ന് അദ്ദേഹം ചൂണ്ടിക്കാട്ടി.
ഇതിനായി ചര്ച്ചകള്, സെമിനാറുകള്, സിമ്പോസിയങ്ങള്, ചോദ്യോത്തര മത്സരങ്ങള് തുടങ്ങിയ വൈവിധ്യമാര്ന്ന പരിപാടികള് ആസൂത്രണം ചെയ്ത് നടപ്പാക്കണമെന്ന് അദ്ദേഹം അഭ്യര്ത്ഥിച്ചു.
എന്. എസ്. രാജന്, എം. ജി. രാഘവന്, ബിജിലി ഭരതന്, വി. എന്. പവിത്രന്, കെ. ഷണ്മുഖന് ,ബിജിലി ഭരതന് തുടങ്ങിയവര് പ്രസംഗിച്ചു.