വര്ളിയില് യേശുക്രിസ്തുവിന്റെ രൂപം തകര്ത്തതില് പ്രതിഷേധം
മുംബൈ: വര്ളിയില് റോഡിന് സമീപം സ്ഥാപിച്ചിരുന്ന യേശുക്രിസ്തുവിന്റെ രൂപം തകര്ത്തതില് പ്രതിഷേധം ശക്തം. നഗരത്തിലെ മതസൗഹാര്ദം തകര്ക്കാന് ലക്ഷ്യമിട്ടുള്ള ബോധപൂര്വമായ വിദ്വേഷ നീക്കമാണിതെന്ന് ആരോപിച്ച് ക്രൈസ്തവ സംഘടനയായ 'ദി ബോംബെ കാത്തലിക് സഭ' രംഗത്തെത്തി.
സംഭവത്തില് അടിയന്തര അന്വേഷണം നടത്തി കുറ്റവാളികളെ അറസ്റ്റ് ചെയ്യണമെന്ന് ആവശ്യപ്പെട്ട് സഭ പ്രസിഡന്റ് ഡോള്ഫി ഡിസൂസ മുംബൈ പൊലീസ് കമ്മീഷണര്ക്ക് പരാതി നല്കി.
സംഭവം നടന്ന് ദിവസങ്ങള് പിന്നിട്ടിട്ടും പ്രതികളെ പിടികൂടാന് പൊലീസിന് സാധിച്ചിട്ടില്ലെന്നും പൊലീസിന്റെ വീഴ്ചയാണെന്നും സംഘടന ആരോപിച്ചു.