ന്യൂഡൽഹി: മദ്യനയക്കേസിൽ അറസ്റ്റിലായ ഡൽഹി ഉപമുഖ്യമന്ത്രി മനീഷ് സിസോദിയയും ആരോഗ്യമന്ത്രി സത്യേന്ദ്ര ജെയിനും രാജി വച്ചു. മുഖ്യമന്ത്രി അരവിന്ദ് കെജരിവാളിനു സമർപ്പിച്ച രാജി അദ്ദേഹം അംഗീകരിച്ചു. മനീഷ് സിസോദിയ കൈകാര്യം ചെയ്തിരുന്നത് 18 വകുപ്പുകളായിരുന്നു.
അറസ്റ്റിനെതിരെ സിസോദിയ സമർപ്പിച്ച ഹർജി പരിഗണിക്കാൻ സുപ്രീംകോടതി വിസമ്മതിക്കുകയും ഹൈക്കോടതിയെ സമീപിക്കാൻ നിർദ്ദേശം നിൽകുകയും ചെയ്തിരുന്നു. ഇതിനു പിന്നാലെയാണു രാജി.
ഇക്കഴിഞ്ഞ ഞായറാഴ്ച്ചയാണ് മദ്യനയക്കേസിൽ മനീഷ് സിസോദിയയെ സിബിഐ അറസ്റ്റുചെയ്തത്. ഇന്നലെ കോടതിയിൽ ഹാജരാക്കിയപ്പോൾ 5 ദിവസത്തേക്ക് സിബിഐ കസ്റ്റഡിയിൽ വിട്ടിരുന്നു.