ഭോപ്പാൽ: 2 കുട്ടികളിൽ കൂടുതലുള്ളവർക്ക് സർക്കാർ ജോലിക്ക് യോഗ്യതയില്ലെന്ന ചട്ടം ഒഴിവാക്കി മധ്യപ്രദേശ് സർക്കാർ. ഈ ചട്ടം നിർദിക്ഷ്ട സിവിൽ സർവീസ് റൂളിൽ നിന്ന് ഒഴിവാക്കി മുഖ്യമന്ത്രി മോഹൻ യാദവ് ഉത്തരവിറക്കി.

ഈ നിർദേശം ഉൾക്കൊള്ളുന്ന കരട് നിയമം സർക്കാരിന്‍റെ ഔദ്യോഗിക വെബ്സൈറ്റിൽ നിന്ന് നീക്കം ചെയ്യാനും നിർദേശം നൽകി.

2001 ലാണ് മധ്യപ്രദേശ് സർക്കാർ 2 കുട്ടികളിൽ കൂടുതലുള്ളവർ സർക്കാർ ജോലികൾക്ക് അയോഗ്യരാണെന്ന നിയമം കൊണ്ടുവന്നത്. സർവീസിലിരിക്കെ രണ്ടിലധികം കുട്ടികളുണ്ടായാലത് പെരുമാറ്റചട്ടലംഘമായും കണക്കാക്കുമായിരുന്നു. 25 വർ‌ഷങ്ങൾക്ക് ശേഷമാണ് നിയമത്തിൽ മാറ്റം വരുന്നത്.