ലഖ്നൗ: ഉത്തർപ്രദേശിലെ റായ്ബറേലിയെ ആശുപത്രിയിൽ രോഗിയെ ചവിട്ടിക്കൂട്ടി ആശുപത്രി ജീവവനക്കാരി. 35 സെക്കൻഡിൽ 10 തവണ വനിത ജീവനക്കാരി രോഗിയെ ചവിട്ടുന്നതാണ് വിഡിയോയിലുള്ളത്. വിഡിയോ വലിയ വിമർശനങ്ങൾക്ക് കാരണമായതിനെ തുടർന്ന് ജീവനക്കാരിയെ സസ്പെൻഡ് ചെയ്തു.

ജില്ലാ ആശുപത്രിയിലാണ് സംഭവമുണ്ടായത്. ആശുപത്രിയിലെ തൂപ്പുകാരിയായ പിങ്കിയാണ് രോഗിയെ ഉപദ്രവിച്ചത്. അവശനായ രോഗി നിലത്ത് ഇരിക്കുന്നതാണ് വിഡിയോയിലുള്ളത്. ജീവനക്കാരി ചീത്ത വിളിച്ചുകൊണ്ട് ഇയാളെ തലയിലും പുറത്തുമെല്ലാം പല തവണ ചവിട്ടുക‍യാണ്.

ഉത്തർപ്രദേശ് ഉപമുഖ്യമന്ത്രി ബ്രജേഷ് പഥക്കിന്‍റെ നിർദേശ പ്രകാരം പിങ്കിയെ സസ്പെൻഡ് ചെയ്തതായി ചീഫ് മെഡിക്കൽ സൂപ്രണ്ട് ഡോ. പുഷ്പേന്ദ്ര കുമാർ പറഞ്ഞു. സംഭവത്തിൽ അന്വേഷണം ആരംഭിച്ചു.