ശ്രീനഗർ: ഭീകരവാദവുമായി ബന്ധപ്പെട്ട പ്രവർത്തനങ്ങൾ നടക്കുന്നുണ്ടെന്ന സംശയത്തിന്‍റെ അടിസ്ഥാനത്തിൽ പൊലീസിന്‍റെ കൗണ്ടർ ഇന്‍റലിജൻസ് വിഭാഗം ജമ്മു കശ്മീരിലെ വിവിധ ജില്ലകളിൽ റെയ്ഡ് നടത്തി. കുപ്‌വാര, ബാരമുള്ള, അനന്ത്നാഗ്, ഷോപ്പിയാൻ, ബന്ധിപോര എന്നീ ജില്ലകളിലാണ് റെയ്ഡ് നടന്നത്.

ഇലക്‌ട്രോണിക് ഉപകരണങ്ങളും കുറ്റകരമായ മറ്റു വസ്തുക്കളും പരിശോധനയ്ക്കിടെ പിടിച്ചെടുത്തിട്ടുണ്ട്. ഇവ ഫൊറൻസിക് പരിശോധനയ്ക്ക് അയക്കുമെന്ന് പൊലീസിന്‍റെ കൗണ്ടർ ഇന്‍റലിജൻസ് വിഭാഗം വ‍്യക്തമാക്കി. ശ്രീനഗറിലെ സിഐകെ പൊലീസ് സ്റ്റേഷനിൽ രജിസ്റ്റർ ചെയ്ത എഫ്ഐആർ നമ്പർ 03/2023 പ്രകാരമാണ് റെയ്ഡ് നടത്തിയതെന്ന് ഉദ‍്യോഗസ്ഥർ വ‍്യക്തമാക്കി.