ബംഗളൂരു: വേട്ടെണ്ണൽ നിർണായക മണിക്കൂറുകൾ പിന്നിടുമ്പോൾ കേവല ഭൂരിപക്ഷം കടന്ന് കോൺഗ്രസ്. 224 അംഗ നിയമസഭയിൽ 132 സീറ്റുകളിലാണ് പാർട്ടി മുന്നേറുന്നത്. ബിജെപി ലീസ് നില 66 സീറ്റിൽ ഒതുങ്ങി. ജെഡിഎസ് 22 മണ്ഡലങ്ങളിലും മുന്നേറുന്നുണ്ട്. 4 ഇടങ്ങളിലാണ് മറ്റുള്ളവർ ലീഡ് ചെയ്യുന്നത്.

അതിനിടെ തിരഞ്ഞെടുപ്പിൽ തോൽവി സമ്മതിച്ച് മുഖ്യമന്ത്രി ബസവരാജ് ബൊമ്മെ. ഫലം പുറത്തു വന്നതിനുശേഷം വിശകലനം നടത്തുമെന്നും അദ്ദേഹം വ്യക്തമാക്കി. ഈ തെരഞ്ഞെടുപ്പ് ഫലം വളരെ ഗൗരവത്തോടെ കാണുന്നു. പാർട്ടിയെ പുനഃസംഘടിപ്പിക്കുമെന്നും അടുത്ത ലോക്സഭാ തെരഞ്ഞെടുപ്പിന് ശക്തമായി തിരിച്ചുവരുമെന്നും അദ്ദേഹം വ്യക്തമാക്കി.