ശ്രീനഗർ: ജമ്മു കശ്മീരിലെ അഖ്നൂർ ജില്ലയിലെ ഭീകരാക്രമണത്തിൽ തിരിച്ചടിച്ച് സൈന്യം. സുരക്ഷാ സേനയുടെ വാഹനത്തിനു നേരെ വെടിയുതിർത്ത 3 ഭീകരരേയും വധിച്ചതായാണ് വിവരം. കരസേന ഇത് ഔദ്യോഗികമായി സ്ഥിരീകരിച്ചിട്ടില്ല. 20 റൗണ്ടിലേറെ വെടിയുതിർത്തതായാണ് വിവരം.

അഖ്നൂരിൽ സുരക്ഷാ സേനയുടെ വാഹനത്തിനു നേരേ ഇന്ന് രാവിലെയാണ് ഭീകരർ വെടിയുതിർത്തത്. കരസേനയുടെ ആംബുലൻസിനെയാണ് ഭീകരർ ലക്ഷ്യമിട്ടതെന്നും സ്ഥിരീകരിക്കാത്ത വിവരങ്ങളുണ്ട്.