ദുബായ്: ദുബായ് ഇമിഗ്രേഷൻ, ഇമറാത്തി വനിതാ ദിനം വൈവിധ്യമാർന്ന പരിപാടികളോടെ ആഘോഷിച്ചു അറബ് ലോകത്തിലെ ആദ്യ വനിതാ ബഹിരാകാശ സഞ്ചാരി നോറ അൽ മത്രൂഷി മുഖ്യാതിഥിയായി പങ്കെടുത്തുകൊണ്ട് തന്റെ ബഹിരാകാശ പര്യവേക്ഷണ അനുഭവങ്ങളും വെല്ലുവിളികളും പരിപാടിയിൽ പങ്കുവെച്ചു.
ദുബായ് ഇമിഗ്രേഷൻ ഡിപ്പാർട്ട്മെന്റിന്റെ മേധാവി ലെഫ്റ്റനൻറ് ജനറൽ മുഹമ്മദ് അഹമ്മദ് അൽ മർറി, ഉൽഘാടനം ചെയ്ത ചടങ്ങിൽ, രാജ്യത്തിന്റെ ദേശീയ വികസനത്തിൽ ഇമറാത്തി വനിതകളുടെ പ്രധാനപ്പെട്ട പങ്ക് അദ്ദേഹം എടുത്തുപറഞ്ഞു.
ചടങ്ങിൽ, നഖ്ർ സോഷ്യൽ ക്ലബിലെ മുതിർന്ന ഇമറാത്തി വനിതകളും അവരുടെ അനുഭവങ്ങൾ പങ്കുവെച്ചു. ഡിപ്പാർട്ട്മെന്റിൽ വനിതാ ജീവനക്കാരുടെ സംഭാവനകളെയും പ്രത്യേകമായി ആദരിച്ചു. ഇമറാത്തി വനിതകളുടെ നേട്ടങ്ങളും, നേതൃപാടവവും, വിവിധ മേഖലകളിലെ മികവും പ്രദർശിപ്പിച്ച ഈ പരിപാടി, വനിതാ ശാക്തീകരണത്തിനും ദേശീയ വികസനത്തിന് ഇ മറാത്തി വനിതകളുടെ സംഭാവനയെ ഉയർത്തിക്കാട്ടുന്നതുമായിരുന്നു.