ദുബായ്: മികച്ച തൊഴിൽ അന്തരീക്ഷം സൃഷ്ടിച്ചതിനും കാര്യക്ഷമമായ മനുഷ്യവിഭവശേഷി നയങ്ങൾ നടപ്പിലാക്കിയതിനും ദുബായ് ജനറൽ ഡയറക്ടറേറ്റ് ഓഫ് ഐഡന്‍റിറ്റി ആൻഡ് ഫോറിനേഴ്‌സ് അഫയേഴ്‌സിന് അന്താരാഷ്ട്ര അംഗീകാരം. 2026-ലെ മിഡിൽ ഈസ്റ്റ് ആൻഡ് നോർത്ത് ആഫ്രിക്ക സ്റ്റീവി അവാർഡിൽ 'ഗോൾഡ് പുരസ്‌കാരമാണ്' ജിഡിആർഎഫ്എ സ്വന്തമാക്കിയത്.

സർക്കാർ സ്ഥാപനങ്ങളിലെ നവീനവും എല്ലാവരെയും ഉൾക്കൊള്ളുന്നതുമായ എച്ച്ആർ നയങ്ങൾ എന്ന വിഭാഗത്തിലാണ് ഈ നേട്ടം. ജീവനക്കാരുടെ തൊഴിൽ പരിചയം മെച്ചപ്പെടുത്തുക, പ്രതിഭകളെ ആകർഷിക്കുക, ജോലിസ്ഥലത്തെ സന്തോഷവും ശാക്തീകരണവും ഉറപ്പാക്കുക എന്നിവ ലക്ഷ്യമിട്ട് ഡയറക്ടറേറ്റ് നടപ്പാക്കിയ എംപ്ലോയീ വാല്യൂ പ്രൊപ്പോസിഷൻ എന്ന സമഗ്ര പദ്ധതിയാണ് ജി.ഡി.ആർ.എഫ്.എയെ അവാർഡിന് അർഹമാക്കിയത്.

നവീകരണം, ശാക്തീകരണം, മികച്ച തൊഴിൽ-ജീവിത സന്തുലിതാവസ്ഥ എന്നിവയെ അടിസ്ഥാനമാക്കിയുള്ള ഡയറക്ടറേറ്റിന്‍റെ ദീർഘവീക്ഷണത്തിന്‍റെ പ്രതിഫലനമാണ് ഈ പുരസ്‌കാരമെന്ന് ജി.ഡി.ആർ.എഫ്.എ ദുബായിലെ എച്ച്.ആർ-ധനകാര്യ വിഭാഗം അസിസ്റ്റന്‍റ് ഡയറക്ടർ ജനറൽ മേജർ ജനറൽ അവാദ് മുഹമ്മദ് അൽ അവാഇം പറഞ്ഞു.