ബീജിങ്: ചൈനയിൽ ബോട്ടുകൾ മറിഞ്ഞുണ്ടായ അപകടത്തിൽ മരിച്ചവരുടെ എണ്ണം 10 ആയി ഉയർന്നു. 74 പേർ ആശുപത്രിയിൽ ചികിത്സയിൽ തുടരുകയാണ്. ഞായറാഴ്ച രാത്രിയോടെയായിരുന്നു അപകടം.

ഗയ്ഷോ പ്രവിശ്യയിലെ ക്വാൻസി നഗരത്തിന് സമീപമുള്ള വു നദിയിലാണ് നാല് ടൂറിസ്റ്റ് ബോട്ടുകൾ മറിഞ്ഞ്. അപകടസമയത്ത് 84 പേരാണ് നാല് ബോട്ടുകളിലായി ഉണ്ടായിരുന്നത്.

ശക്തമായ കാറ്റിനൊപ്പം ആലിപ്പഴ വർഷവും ഇടിമിന്നലും പെട്ടെന്നുള്ള മഴയും ഉണ്ടായതായി സ്ഥലത്തുണ്ടായിരുന്ന വിനോദ സഞ്ചാരികൾ പറയുന്നു. ഇതാണ് ബോട്ടുകൾ മറിയാന്‍ കാരണമായത്.

മധ്യ ചൈനയിൽ ബോട്ടുകൾ കൂട്ടിയിടിയിൽ 11 പേർ മരിച്ച സംഭവത്തിന് രണ്ടു മാസങ്ങൾക്കു ശേഷമാണ് ഞായറാഴ്ചത്തെ ഈ സംഭവം.