വാഷിങ്ടൺ: ടെന്നിസ് ചരിത്രത്തിലെ ഇതിഹാസ താരം സെറീന വില്യംസ് രണ്ടാമത്തെ പെൺകുഞ്ഞിനു ജന്മം നൽകി. ടെന്നിസ് കോർട്ടിൽ അവസാനത്തെ മത്സരം കളിച്ച് ഒരു വർഷമാകുമ്പോഴാണിത്.

ആദിറ റിവർ ഒഹാനിയൻ എന്നാണ് കുട്ടിക്കു പേരിട്ടിരിക്കുന്നത്. റെഡ്ഡിറ്റ് സഹ സ്ഥാപകൻ അലക്സി ഒഹാനിയനാണ് നാൽപ്പത്തൊന്നുകാരനായ സെറീനയുടെ ഭർത്താവ്. 2017ലാണ് ഇവരുടെ ആദ്യത്തെ കുട്ടിയായ ഒളിംപിയ ജനിക്കുന്നത്.

23 ഗ്രാൻഡ്സ്ലാം കിരീടങ്ങൾക്ക് ഉടമയാണ് സെറീന വില്യംസ്. കഴിഞ്ഞ വർഷത്തെ യുഎസ് ഓപ്പണിലാണ് അവസാനം കളിച്ചത്. അന്ന് മൂന്നാം റൗണ്ട് വരെയാണ് എത്തിയത്.