റീൽസിന്‍റെ നീളം 3 മിനിറ്റ് വരെയാക്കി വർധിപ്പിച്ച് ഇൻസ്റ്റഗ്രാം. 60 സെക്കൻഡ് വരെയായിരുന്നു ഇതു വരെയും റീലുകളുടെ ദൈർഘ്യ പരിധി. റീൽസിലെ മാറ്റങ്ങൾക്കൊപ്പം ലേ ഔട്ടിലും മാറ്റങ്ങൾ വരുത്തിയിട്ടുണ്ട. സ്ക്വയർ ഫോർമാറ്റിൽ നിന്ന മാറി പ്രൊഫൈൽ ഗ്രിഡാക്കി മാറ്റിയിരിക്കുകയാണ്. വീക്ഷണാനുപാതം പണ്ട് 1:1 ആയിരുന്നെങ്കിൽ പുതിയ അപ്ഡേഷനോട് 4:3 ആകുമെന്ന് ചുരുക്കം.

റീലിന്‍റെ തംസ് ഇമേജുകൾ ഇഷ്ടാനുസൃതമാക്കാനുള്ള ഓപ്ഷനും ഉണ്ട്. ഇൻസ്റ്റ സിഇഒ ആദം മൊസേരിയാണ് ഇക്കാര്യം പ്രഖ്യാപിച്ചിരിക്കുന്നത്. റീൽസിന്‍റെ നീളം കുറവാണെന്ന പരാതി ഉ‍യർന്ന സാഹചര്യത്തിലാണ് നടപടി.