കൊച്ചി: സംസ്ഥാനത്ത് സ്വർണവിലയിൽ ഇന്നും വർധന. ഇന്ന് (01/03/2023) 120 രൂപ വർധിച്ച് ഒരു പവന് സ്വർണത്തിന്റെ വില 41,280 രൂപയായി. ഗ്രാമിന് 15 രൂപ ഉയർന്ന് 5160 രൂപയുമായി.
കഴിഞ്ഞ മാസം തുടക്കത്തിൽ 42,200 രൂപയിൽ എത്തിയ സ്വർണവില പിന്നീടുള്ള ദിവസങ്ങളിൽ കുറയുന്നതായാണ് ദൃശ്യമായത്. 25 ദിവസത്തിനിടെ ഏകദേശം 1800 രൂപ കുറഞ്ഞ് ഇന്നലെ ഈ മാസത്തെ ഏറ്റവും കുറഞ്ഞ നിരക്കിൽ എത്തിയിരുന്നു. 41,160 രൂപയായിരുന്നു ഇന്നലത്തെ സ്വർണ വില.
