ഭാ​ര​ത ര​ത്ന​യും രാ​ഷ്ട്രീ​യ ച​ർ​ച്ച​യും| മുഖപ്രസംഗം

റാ​വു​വി​നെ ആ​ദ​രി​ക്കു​ന്ന​ത് ആ​ന്ധ്ര​യി​ലും തെ​ല​ങ്കാ​ന​യി​ലും വോ​ട്ടു നേ​ടാ​ൻ ഉ​പ​ക​രി​ക്കു​മെ​ന്നും ബി​ജെ​പി ക​രു​തു​ന്നു​ണ്ടാ​വും
ഭാ​ര​ത ര​ത്ന​യും രാ​ഷ്ട്രീ​യ ച​ർ​ച്ച​യും| മുഖപ്രസംഗം

ഈ വ​ർ​ഷം മൂ​ന്നു ത​വ​ണ​യാ​യി അ​ഞ്ചു പേ​ർ​ക്ക് ഭാ​ര​ത ര​ത്ന പ്ര​ഖ്യാ​പി​ച്ച് റെ​ക്കോ​ഡ് സൃ​ഷ്ടി​ച്ചി​രി​ക്കു​ക​യാ​ണു കേ​ന്ദ്ര സ​ർ​ക്കാ​ർ. രാ​ജ്യ​ത്തി​ന്‍റെ പ​ര​മോ​ന്ന​ത സി​വി​ലി​യ​ൻ ബ​ഹു​മ​തി​യാ​യ ഭാ​ര​ത ര​ത്ന എ​ല്ലാ വ​ർ​ഷ​വും പ്ര​ഖ്യാ​പി​ക്ക​ണ​മെ​ന്നു നി​ർ​ബ​ന്ധ​മി​ല്ല, പ്ര​ഖ്യാ​പി​ക്കാ​റു​മി​ല്ല. ഇ​തി​നു മു​ൻ​പ് 2015ലും 2019​ലു​മാ​ണ് ന​രേ​ന്ദ്ര മോ​ദി​യു​ടെ നേ​തൃ​ത്വ​ത്തി​ലു​ള്ള ബി​ജെ​പി സ​ർ​ക്കാ​ർ ഭാ​ര​ത ര​ത്ന പ്ര​ഖ്യാ​പി​ച്ചി​ട്ടു​ള്ള​ത്. അ​പ്പോ​ഴോ അ​തി​നു മു​ൻ​പോ ഒ​രു വ​ർ​ഷം അ​ഞ്ചു പേ​ർ​ക്ക് ഈ ​ബ​ഹു​മ​തി സ​മ്മാ​നി​ച്ച ച​രി​ത്ര​മി​ല്ല. ലോ​ക്സ​ഭാ തെ​ര​ഞ്ഞെ​ടു​പ്പി​നു തൊ​ട്ട​ടു​ത്തു നി​ൽ​ക്കെ​യു​ള്ള ഇ​പ്പോ​ഴ​ത്തെ ഈ ​ഭാ​ര​ത ര​ത്ന പ്ര​ഖ്യാ​പ​നം രാ​ഷ്ട്രീ​യ​മാ​യി കൂ​ടി ഏ​റെ ശ്ര​ദ്ധേ​യ​മാ​വു​ന്നു​ണ്ട്. മു​ൻ പ്ര​ധാ​ന​മ​ന്ത്രി​മാ​രാ​യ പി.​വി. ന​ര​സിം​ഹ റാ​വു, ചൗ​ധ​രി ച​ര​ൺ സി​ങ്, മ​ല​യാ​ളി​യാ​യ പ്ര​മു​ഖ കാ​ർ​ഷി​ക ശാ​സ്ത്ര​ജ്ഞ​ൻ ഡോ. ​എം.​എ​സ്. സ്വാ​മി​നാ​ഥ​ൻ എ​ന്നി​വ​ർ​ക്കാ​ണ് ഇ​ന്ന​ലെ മ​ര​ണാ​ന​ന്ത​ര ബ​ഹു​മ​തി​യാ​യി ഭാ​ര​ത ര​ത്ന പ്ര​ഖ്യാ​പി​ച്ച​ത്. പ്ര​മു​ഖ സോ​ഷ്യ​ലി​സ്റ്റ് നേ​താ​വും ബി​ഹാ​ർ മു​ൻ മു​ഖ്യ​മ​ന്ത്രി​യു​മാ​യി​രു​ന്ന ക​ർ​പ്പൂ​രി ഠാ​ക്കൂ​റി​നും (മ​ര​ണാ​ന​ന്ത​ര ബ​ഹു​മ​തി) പി​ന്നീ​ട് ബി​ജെ​പി നേ​താ​വ് എ​ൽ.​കെ. അ​ഡ്വാ​നി​ക്കും നേ​ര​ത്തേ ഭാ​ര​ത ര​ത്ന പ്ര​ഖ്യാ​പി​ച്ചി​രു​ന്നു. ഈ ​ബ​ഹു​മ​തി ല​ഭി​ച്ച എ​ല്ലാ​വ​രും അ​തി​ന് അ​ർ​ഹ​രാ​യി​ട്ടു​ള്ള​വ​ർ ത​ന്നെ​യാ​ണ്. രാ​ജ്യം അ​വ​ർ​ക്ക് അ​ർ​ഹി​ക്കു​ന്ന അം​ഗീ​കാ​രം ന​ൽ​കു​ന്ന​തു സ​ന്തോ​ഷ​ക​ര​വു​മാ​ണ്. ഇ​വ​രെ ആ​ദ​രി​ക്കു​ന്ന​തി​ലൂ​ടെ വോ​ട്ടു രാ​ഷ്ട്രീ​യ​ത്തി​ന്‍റെ സാ​ധ്യ​ത​ക​ളും കേ​ന്ദ്ര സ​ർ​ക്കാ​ർ പ​രീ​ക്ഷി​ക്കു​ന്നു എ​ന്ന​താ​ണ് ഇ​തി​നൊ​പ്പം ച​ർ​ച്ച​യാ​വു​ന്ന​ത്.

ക​ർ​പ്പൂ​രി ഠാ​ക്കൂ​റി​നു ഭാ​ര​ത ര​ത്ന പ്ര​ഖ്യാ​പി​ച്ച​തി​നു തൊ​ട്ടു​പി​ന്നാ​ലെ​യാ​ണ് ബി​ഹാ​റി​ൽ മു​ഖ്യ​മ​ന്ത്രി നി​തീ​ഷ് കു​മാ​റി​ന്‍റെ ജെ​ഡി​യു വി​ശാ​ല സ​ഖ്യം വി​ട്ട് ബി​ജെ​പി​യോ​ടു ചേ​ർ​ന്ന​ത്. ജെ​ഡി​യു- ആ​ർ​ജെ​ഡി- കോ​ൺ​ഗ്ര​സ് സ​ർ​ക്കാ​രി​ന് അ​ന്ത്യം കു​റി​ച്ചു​ള്ള നി​തീ​ഷ് കു​മാ​റി​ന്‍റെ കാ​ലു​മാ​റ്റം ഏ​താ​ണ്ട് ഉ​റ​പ്പി​ച്ചി​രി​ക്കു​മ്പോ​ഴാ​യി​രു​ന്നു ഠാ​ക്കൂ​റി​ന് പ​ര​മോ​ന്ന​ത ബ​ഹു​മ​തി പ്ര​ഖ്യാ​പി​ക്കു​ന്ന​ത്. പി​ന്നാ​ക്ക വി​ഭാ​ഗ​ത്തി​ൽ നി​ന്നു​ള്ള പ്ര​മു​ഖ നേ​താ​വാ​യ ഠാ​ക്കൂ​റി​ന് ഈ ​ബ​ഹു​മ​തി ന​ൽ​ക​ണ​മെ​ന്ന് ജെ​ഡി​യു നേ​ര​ത്തേ ത​ന്നെ ആ​വ​ശ്യ​പ്പെ​ടു​ന്ന​താ​ണ്. ഇ​ന്ന​ലെ ചൗ​ധ​രി ച​ര​ൺ സി​ങ്ങി​ന് ഭാ​ര​ത ര​ത്ന പ്ര​ഖ്യാ​പി​ക്കു​മ്പോ​ൾ ഉ​ത്ത​ർ​പ്ര​ദേ​ശി​ലെ ആ​ർ​എ​ൽ​ഡി ബി​ജെ​പി​യു​ടെ സ​ഖ്യ​ത്തി​ലെ​ത്തു​മെ​ന്ന് ഏ​താ​ണ്ട് ഉ​റ​പ്പി​ച്ചി​രി​ക്കു​ക​യാ​ണ്. ച​ര​ൺ സി​ങ്ങി​ന്‍റെ പു​ത്ര​ൻ അ​ജി​ത് സി​ങ് രൂ​പ​വ​ത്ക​രി​ച്ച​താ​ണ് ജാ​ട്ട് വോ​ട്ടു​ക​ളി​ൽ സ്വാ​ധീ​ന​മു​ള്ള ആ​ർ​എ​ൽ​ഡി. 2021ൽ ​കൊ​വി​ഡ് ബാ​ധി​ച്ച് അ​ജി​ത് സി​ങ് മ​രി​ച്ച​തി​നു ശേ​ഷം പു​ത്ര​ൻ ജ​യ​ന്ത് ചൗ​ധ​രി​യാ​ണ് പാ​ർ​ട്ടി​യെ ന​യി​ക്കു​ന്ന​ത്. ച​ര​ൺ സി​ങ്ങി​ന് ഭാ​ര​ത ര​ത്ന സ​മ്മാ​നി​ച്ച മോ​ദി​യോ​ടൊ​പ്പം പോ​കു​ന്ന​തി​ൽ ഇ​നി പാ​ർ​ട്ടി​ക്കു ന്യാ​യീ​ക​ര​ണ​മു​ണ്ട്. സ​മാ​ജ് വാ​ദി പാ​ർ​ട്ടി​യു​മാ​യു​ള്ള സ​ഖ്യ​മാ​ണ് ഇ​തോ​ടെ ആ​ർ​എ​ൽ​ഡി മു​റി​ക്കു​ന്ന​ത്. "ഇ​ന്ത്യ' പ്ര​തി​പ​ക്ഷ മു​ന്ന​ണി​ക്കു മ​റ്റൊ​രു പ്ര​ഹ​രം.

സോ​ണി​യ ഗാ​ന്ധി​യും രാ​ഹു​ൽ ഗാ​ന്ധി​യും അ​വ​രു​ടെ പ​ക്ഷ​ക്കാ​രും അ​വ​ഗ​ണി​ച്ച നേ​താ​വാ​ണ് ന​ര​സിം​ഹ റാ​വു എ​ന്നാ​ണു അ​വ​രു​ടെ വി​മ​ർ​ശ​ക​ർ ചൂ​ണ്ടി​ക്കാ​ണി​ക്കാ​റു​ള്ള​ത്. റാ​വു​വി​നെ​യും അ​ദ്ദേ​ഹ​ത്തി​ന്‍റെ സം​ഭാ​വ​ന​ക​ളെ​യും കോ​ൺ​ഗ്ര​സ് അ​വ​ഗ​ണി​ക്കു​ന്നു​വെ​ന്ന് നേ​ര​ത്തേ മു​ത​ൽ ബി​ജെ​പി ആ​രോ​പി​ക്കു​ന്നു​ണ്ട്. റാ​വു​വി​ന് അ​ർ​ഹി​ക്കു​ന്ന ബ​ഹു​മ​തി ന​ൽ​കി​യ​ത് ത​ങ്ങ​ളാ​ണെ​ന്ന വാ​ദം സോ​ണി​യാ പ​ക്ഷ​ത്തി​നെ​തി​രാ​യ ആ​യു​ധ​മാ​യി തെ​ര​ഞ്ഞെ​ടു​പ്പു കാ​ല​ത്തു മാ​റി​യേ​ക്കാം. റാ​വു​വി​നെ ആ​ദ​രി​ക്കു​ന്ന​ത് ആ​ന്ധ്ര​യി​ലും തെ​ല​ങ്കാ​ന​യി​ലും വോ​ട്ടു നേ​ടാ​ൻ ഉ​പ​ക​രി​ക്കു​മെ​ന്നും ബി​ജെ​പി ക​രു​തു​ന്നു​ണ്ടാ​വും. ആ​ന്ധ്ര​യി​ൽ ച​ന്ദ്ര​ബാ​ബു നാ​യി​ഡു​വി​ന്‍റെ തെ​ലു​ങ്കു​ദേ​ശം പാ​ർ​ട്ടി​യു​മാ​യി വീ​ണ്ടും സ​ഖ്യ​മു​ണ്ടാ​ക്കാ​നു​ള്ള നീ​ക്ക​ങ്ങ​ൾ ബി​ജെ​പി ന​ട​ത്തു​ന്ന​തി​നി​ടെ​യാ​ണു ഭാ​ര​ത ര​ത്ന പ്ര​ഖ്യാ​പ​നം. സു​ദീ​ർ​ഘ​മാ​യ രാ​ഷ്ട്രീ​യ ജീ​വി​ത​ത്തി​നി​ടെ വി​വി​ധ മ​ന്ത്രാ​ല​യ​ങ്ങ​ളു​ടെ ചു​മ​ത​ല വ​ഹി​ച്ചി​ട്ടു​ള്ള കേ​ന്ദ്ര മ​ന്ത്രി​യാ​യി​രു​ന്ന ന​ര​സിം​ഹ റാ​വു പ്ര​ധാ​ന​മ​ന്ത്രി​യാ​യി​രി​ക്കു​മ്പോ​ഴാ​ണ് സാ​മ്പ​ത്തി​ക ഉ​ദാ​ര​വ​ത്ക​ര​ണം ന​ട​പ്പാ​ക്കി​യ​ത്; മ​ൻ​മോ​ഹ​ൻ സി​ങ്ങി​നെ ധ​ന​മ​ന്ത്രി​യാ​യി കൊ​ണ്ടു​വ​ന്ന്. ന​രേ​ന്ദ്ര മോ​ദി സ​ർ​ക്കാ​രി​ന്‍റെ ത​ന്നെ കാ​ല​ത്താ​ണ് കോ​ൺ​ഗ്ര​സ് നേ​താ​വും മു​ൻ കേ​ന്ദ്ര​മ​ന്ത്രി​യും രാ​ഷ്ട്ര​പ​തി​യു​മാ​യി​രു​ന്ന പ്ര​ണ​ബ് മു​ഖ​ർ​ജി​ക്ക് 2019ൽ ​ഭാ​ര​ത ര​ത്ന സ​മ്മാ​നി​ച്ച​ത് എ​ന്ന​തും ശ്ര​ദ്ധേ​യ​മാ​ണ്.

രാ​ജ്യ​ത്തെ പ്ര​മു​ഖ കാ​ർ​ഷി​ക ശാ​സ്ത്ര​ജ്ഞ​നാ​യി​രു​ന്നു ക​ഴി​ഞ്ഞ സെ​പ്റ്റം​ബ​റി​ൽ അ​ന്ത​രി​ച്ച എം.​എ​സ്. സ്വാ​മി​നാ​ഥ​ൻ. ഹ​രി​ത വി​പ്ല​വ​ത്തി​ന്‍റെ പി​താ​വ് ഭാ​ര​ത ര​ത്ന​യാ​വു​മ്പോ​ൾ ക​ർ​ഷ​ക​രു​ടെ ക്ഷേ​മ​ത്തി​നു വേ​ണ്ടി അ​ദ്ദേ​ഹം ചെ​യ്ത സം​ഭാ​വ​ന​ക​ൾ കൂ​ടി​യാ​ണു സ്മ​രി​ക്ക​പ്പെ​ടു​ന്ന​ത്. കാ​ർ​ഷി​ക മേ​ഖ​ല​യു​മാ​യി ബ​ന്ധ​പ്പെ​ട്ട സ​ർ​ക്കാ​രി​ന്‍റെ നേ​ട്ട​ങ്ങ​ൾ ബി​ജെ​പി​യു​ടെ മു​ഖ്യ തെ​ര​ഞ്ഞെ​ടു​പ്പു മു​ദ്രാ​വാ​ക്യ​ങ്ങ​ളാ​ണ് എ​ന്ന​തു കൂ​ടി ഇ​തോ​ടൊ​പ്പം ഓ​ർ​ക്ക​ണം. ""സ്വാ​മി​നാ​ഥ​നു പ​ര​മോ​ന്ന​ത ബ​ഹു​മ​തി ന​ൽ​കു​ന്ന​തു സ്വാ​ഗ​താ​ർ​ഹം ത​ന്നെ. പ​ക്ഷേ, അ​ദ്ദേ​ഹം ശു​പാ​ർ​ശ ചെ​യ്ത താ​ങ്ങു​വി​ല​യ്ക്ക് സ​ർ​ക്കാ​ർ ഇ​തു​വ​രെ നി​യ​മ പ​രി​ര​ക്ഷ ന​ൽ​കി​യി​ട്ടി​ല്ല'' എ​ന്ന് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി ജ​യ​റാം ര​മേ​ശ് ഓ​ർ​മ​പ്പെ​ടു​ത്തു​ന്ന​ത് ഈ ​പ​ശ്ചാ​ത്ത​ല​ത്തി​ലാ​ണ്. രാ​ഷ്ട്രീ​യ ച​ർ​ച്ച​ക​ൾ എ​ന്താ​യാ​ലും ആ​ല​പ്പു​ഴ മ​ങ്കൊ​മ്പി​ൽ കു​ടും​ബ​വേ​രു​ള്ള സ്വാ​മി​നാ​ഥ​ൻ പ​ര​മോ​ന്ന​ത പു​ര​സ്കാ​ര​ത്താ​ൽ ആ​ദ​രി​ക്ക​പ്പെ​ടു​ന്ന​തു മ​ല​യാ​ളി​ക​ൾ​ക്ക് ഏ​റെ അ​ഭി​മാ​ന​ക​ര​മാ​ണ്. സൈ​ല​ന്‍റ് വാ​ലി​യു​ടെ സം​ര​ക്ഷ​ണം ല​ക്ഷ്യ​മി​ട്ടു​ള്ള പ്ര​വ​ർ​ത്ത​ന​ങ്ങ​ളും കു​ട്ട​നാ​ട് പാ​ക്കെ​ജും കേ​ര​ള​ത്തി​നു വേ​ണ്ടി​യു​ള്ള അ​ദ്ദേ​ഹ​ത്തി​ന്‍റെ പ്ര​ത്യേ​ക സം​ഭാ​വ​ന​ക​ളാ​ണ്. ഭ​ക്ഷ്യോ​ത്പാ​ദ​ന​ത്തി​ൽ രാ​ജ്യ​ത്തെ സ്വ​യം​പ​ര്യാ​പ്ത​മാ​ക്കു​ന്ന​തി​നു​ള്ള പ​രി​ശ്ര​മ​ങ്ങ​ളി​ൽ സ്വാ​മി​നാ​ഥ​ൻ വ​ഹി​ച്ച പ​ങ്ക് എ​ക്കാ​ല​ത്തും ഓ​ർ​മി​ക്ക​പ്പെ​ടും.

Related Stories

No stories found.

Latest News

No stories found.
logo
Metro Vaartha
www.metrovaartha.com