'നോട്ടി'ന് തുടക്കമിട്ട് ആഷിക് അബു; നായകൻ വിനീത് കുമാർ
വിനീത് കുമാർ പ്രധാന കഥാപാത്രമായി എത്തുന്ന നോട്ട് എന്ന സിനിമയ്ക്ക് തുടക്കമായി. കോതമംഗലം ഹോട്ടൽ മരിയയിൽ വെച്ച് നടന്ന പൂജയിൽ സംവിധായകൻ ആഷിക്ക് അബു ഭദ്ര ദീപം കൊളുത്തി. ദേവ ഫിലിംസിന്റെ ബാനറിൽനവാഗതരായ ആശിഷ്, കിരൺ എന്നിവർ ചേർന്ന് തിരക്കഥയെഴുതി സംവിധാനം ചെയ്യുന്ന ചിത്രമാണ് നോട്ട്.
അനഘ നാരായണൻ, ജൂഹി ജയകുമാർ ബിഗ്ബോസ് താരം സെറീന, ശ്രീജിത്ത് ബാബു തുടങ്ങിയവരാണ് മറ്റു പ്രമുഖ താരങ്ങൾ.
ദേവരാജ് കുഞ്ഞു പിള്ളൈ ആണ് ചിത്രം നിർമിക്കുന്നത്. ഛായാഗ്രഹണം സജിത്ത് പുരുഷൻ നിർവഹിക്കുന്നു. എഡിറ്റിംഗ്- ടോബി ജോൺ, പി ആർഒ - ഐശ്വര്യ രാജ്.
