വിസ്മയ മോഹൻലാൽ | ദുൽക്കർ സൽമാൻ
മോഹൻ ലാലിന്റെ മകൾ വിസ്മയയുടെ ആദ്യ സിനിമ തുടക്കം റിലീസ് ചെയ്യുന്ന വേളയിൽ ആശംസകളുമായി ദുല്ക്കര് സല്മാന്. ചിത്രത്തിന്റെ പോസ്റ്റര് സോഷ്യല് മീഡിയയിലൂടെ പങ്കുവച്ചുകൊണ്ടാണ് ദുല്ഖര് ആശംസകള് അറിയിച്ചിരിക്കുന്നത്. വെള്ളിയാഴ്ച 9.30 നാണ് തുടക്കത്തിന്റെ ആദ്യ ഷോ.
"സിനിമയുടെ മനോഹരലോകത്തേക്ക് തുടക്കം കുറിക്കുന്ന വിസ്മയ മോഹന്ലാലിന് എല്ലാ നന്മകളും ആശംസിക്കുന്നു", എന്നാണ് പോസ്റ്ററിനൊപ്പം ദുല്ക്കര് കുറിച്ചിരിക്കുന്നത്. ജൂഡ് ആന്റണി ജോസഫ് സംവിധാനം ചെയ്ത് ആശിര്വാസ് സിനിമാസിന്റെ ബാനറില് ആന്റണി പെരുമ്പാവൂര് ആണ് ചിത്രം നിര്മിച്ചിരിക്കുന്നത്.
വിസ്മയയുടെ ആദ്യ ചിത്രം എന്ന പ്രത്യേകതയോടെയാണ് തുടക്കം ശ്രദ്ധനേടിയത്. യു/എ 16 പ്ലസ് സര്ട്ടിഫിക്കറ്റ് ആണ് ചിത്രത്തിന്. 2 മണിക്കൂറും 19 മിനിറ്റുമാണ് ചിത്രം. ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും ചിത്രത്തില് പ്രധാന വേഷത്തിലെത്തുന്നുണ്ട്. മോഹൻലാലും ചിത്രത്തിൽ അതിഥി വേഷത്തിൽ എത്തുന്നുണ്ട്.
