ജയസൂര്യ, വിനായകൻ.
വെള്ളത്തൊപ്പിയും വെള്ള സ്യൂട്ടും അണിഞ്ഞ, മുഖം വ്യക്തമാകാത്ത നിരവധിപ്പേരുടെ ഇടയിൽ വ്യത്യസ്ത നിറത്തിലുള്ള സ്യൂട്ടും തൊപ്പിയും ധരിച്ച ജയസൂര്യയും വിനായകനും. ഒപ്പം, നിഹാലും റാപ്പർ ബേബി ജീനും പ്രത്യഷ പ്പെട്ട ഒരു പോസ്റ്റർ എത്തിയിരിക്കുന്നു. ഈ അഭിനേതാക്കളുടെ ലുക്കും ടൈറ്റൻ എന്ന പേരും ഒരു പാശ്ചാത്യസിനിമയെ ഓർമിപ്പിക്കുന്നു.
നേരമ്പോക്കിന്റെ ബാനറിൽ പ്രിൻസ് ജോയ് സംവിധാനം ചെയ്യുന്ന ടൈറ്റൻസ് എന്ന ചിത്രത്തിന്റെ പ്രഥമ ലുഫസ്റ്റ് ലുക്ക് അടക്കമുള്ള ടൈറ്റിലാണ് ഈ വിധത്തിൽ പ്രകാശനം ചെയ്തിരിക്കുന്നത്. ഓസ്ലർ എന്ന ചിത്രത്തിനു ശേഷം നേരമ്പോക്കിന്റെ ബാനറിൽ ഇൻഷാദ് എം. ഹസ്സൻ, മിഥുൻ മാനുവൽ തോമസ്, പ്രദീപ് സി.എസ്. എന്നിവർ നിർമിക്കുന്ന ചിത്രമാണ് ടൈറ്റൻസ്.
ടൈറ്റൻസ് ഫസ്റ്റ് ലുക്ക് - ടൈറ്റിൽ പോസ്റ്റർ.
തികച്ചും ഫാന്റെസി ഹ്യൂമർ ഴോണറിലാണ് ചിത്രത്തിന്റെ അവതരണം. ജയസൂര്യയും വിനായകനും ഒന്നിച്ചെത്തുന്നതിലൂടെ ഏറെ വാർത്താ പ്രാധാന്യം നേടിയ ഈ ചിത്രത്തിന്റെ ടൈറ്റിലും ഇപ്പോൾ ഏറെ കൗതുകമുണർത്തുന്നു.
സണ്ണി വെയ്ൻ, സുരേഷ് കൃഷ്ണ, ഇന്ദ്രൻസ്, മണികണ്ഠൻ ആചാരി എന്നിവരും ഏതാനും പുതുമുഖങ്ങളും ഈ ചിത്രത്തിൽ അണിനിരക്കുന്നു. വലിയ മുതൽമുടക്കിൽ കൊച്ചി, കോയമ്പത്തൂർ, കൊല്ലം എന്നിവിടങ്ങളിലായാണ് ചിത്രീകരണം പൂർത്തിയായിരിക്കുന്നത്.
തിരക്കഥ - ജയിംസ് സെബാസ്റ്റ്യൻ, സംഗീതം - ഷാൻ റഹ്മാൻ, ഛായാഗ്രഹണം - വിഷ്ണു ശർമ, എഡിറ്റിങ്- ഷമീർ മുഹമ്മദ്. ഒക്റ്റോബറിൽ പ്രദർശനത്തിനെത്തുന്ന ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ പൂർത്തിയായി വരുന്നു.
