'സ്ഫോടനാത്മകം'; ടോക്സിക്കിനെ പ്രശംസിച്ച് ഹോളിവുഡ് ആക്ഷൻ ഡയറക്റ്റർ ജെ.ജെ.പെറി
'ഇത് ഒരു മികച്ച ചിത്രമാണ്!' റോക്കിംഗ് സ്റ്റാർ യാഷിന്‍റെ വരാനിരിക്കുന്ന ആക്ഷൻ ത്രില്ലറായ 'ടോക്സിക്: എ ഫെയറിടെയിൽ ഫോർ ഗ്രോൺ-അപ്‌സി'നെ പ്രശംസിച്ച് ഹോളിവുഡിന്‍റെ ആക്ഷൻ ഡയറക്ടർ ജെ.ജെ. പെറി. ആഗോള ബ്ലോക്ക്ബസ്റ്ററുകളിൽ സ്പന്ദിക്കുന്ന ആക്ഷൻ സൃഷ്ടിക്കുന്നതിൽ പ്രശസ്തനായ ഇതിഹാസ ആക്ഷൻ ഡയറക്ടർ ജെ.ജെ. പെറി, റോക്കിംഗ് സ്റ്റാർ യാഷുമായി കൈകോർക്കുന്നു. റോക്കിംഗ് സ്റ്റാർ യാഷിനൊപ്പമുള്ള ചിത്രവും പങ്കു വച്ചിട്ടുണ്ട്.
ടോക്സിക് എന്ന സിനിമയിൽ പ്രവർത്തിച്ചതിൽ സന്തോഷമുണ്ട്! ഇന്ത്യയിൽ മികച്ച പ്രകടനം കാഴ്ചവച്ചു, യൂറോപ്പിലെമ്പാടുമുള്ള എന്‍റെ പ്രിയപ്പെട്ട നിരവധി സുഹൃത്തുക്കളോടൊപ്പം പ്രവർത്തിക്കാൻ കഴിഞ്ഞു. ഇത് ഒരു മികച്ച അനുഭവമാണ്! എന്നാണ് പെറി സമൂഹമാധ്യമങ്ങളിൽ കുറിച്ചിരിക്കുന്നത്. പോസ്റ്റിനു താഴെ യാഷും കമന്‍റ് ചെയ്തിട്ടുണ്ട്.
ടോക്സിക്, ഇംഗ്ലീഷിലും കന്നഡയിലും ആശയവൽക്കരിക്കുകയും എഴുതുകയും ചിത്രീകരിക്കുകയും ചെയ്യുന്ന ആദ്യത്തെ വലിയ തോതിലുള്ള ഇന്ത്യൻ സിനിമയാണ്. ഹിന്ദി, തെലുങ്ക്, തമിഴ്, മലയാളം തുടങ്ങി നിരവധി ഇന്ത്യൻ, അന്തർദേശീയ ഭാഷകളിലേക്ക് ഈ ചിത്രം ഡബ്ബ് ചെയ്യപ്പെടും. അന്താരാഷ്ട്രതലത്തിൽ പ്രശംസ നേടിയ ചലച്ചിത്ര നിർമ്മാതാവ് ഗീതു മോഹൻദാസാണ് ഈ അഭിലാഷ പദ്ധതിയുടെ ചുക്കാൻ പിടിക്കുന്നത്. കെവിഎൻ പ്രൊഡക്ഷൻസും മോൺസ്റ്റർ മൈൻഡ് ക്രിയേഷൻസും ചേർന്ന് വെങ്കട്ട് കെ. നാരായണയും യാഷും ചേർന്ന് നിർമ്മിക്കുന്ന ടോക്സിക് പാശ്ചാത്യ കൃത്യതയെ ഇന്ത്യൻ തീവ്രതയുമായി ലയിപ്പിച്ചുകൊണ്ട് ആക്ഷൻ വിഭാഗത്തെ പുനർനിർവചിക്കാൻ ഒരുങ്ങുകയാണ്. പി ആർ ഒ ആൻഡ് മാർക്കറ്റിങ് കൺസൾട്ടന്‍റ് പ്രതീഷ് ശേഖർ.
