ചിത്രത്തിൽ നിന്ന്
അരുൺ മതേശ്വരന്റെ ഏറ്റവും ഒടുവിൽ പുറത്തിറങ്ങാനിരിക്കുന്ന ചിത്രമാണ് ഡിസി. കൈതി, വിക്രം, ലിയോ തുടങ്ങി ഹിറ്റ് ചിത്രങ്ങൾ ഒരുക്കിയ ലോകേഷ് കനകരാജാണ് ഡിസിയിലെ നായകൻ.
ഗോദയിലൂടെ മലയാള മനസിൽ ഇടം പിടിച്ച വാമിഖ ഖബ്ബിയാണ് നായികയായെത്തുന്നത്. 3 മിനിറ്റ് 14 സെക്കൻഡ് ദൈർഘ്യമുള്ള ചിത്രത്തിന്റെ ട്രെയിലർ അണിയറ പ്രവർത്തകർ പുറത്തുവിട്ടു.
അനിരുദ്ധ് സംഗീതം കൈകാര്യം ചെയ്യുന്ന ചിത്രത്തിൽ ദേവദാസ് എന്ന കഥാപാത്രത്തെയാണ് ലോകേഷ് അവതരിപ്പിക്കുന്നത്. വയലൻസിന്റെ അതിപ്രസരമുള്ള ട്രെയിലറിൽ അനിരുദ്ധിന്റെ പശ്ചാത്തല സംഗീതം ശ്രദ്ധ നേടുകയാണ്. സൺ പിക്ചേഴ്സിന്റെ ബാനറിൽ കലാനിധി മാരനാണ് ചിത്രം നിർമിക്കുന്നത്.
