ചെന്നൈ: സൂപ്പർ സ്റ്റാർ വിജയുടെ കരിയറിലെ അവസാന ചിത്രം എന്നു കരുതപ്പെടുന്ന ദളപതി 69ൽ മലയാളത്തിന്‍റെ യുവതാരമായ മമിത ബൈജുവും. നരേനും പ്രിയാമണിയും ചിത്രത്തിൽ പ്രധാന വേഷത്തിൽ എത്തുന്നുണ്ട്. ചെന്നൈയിൽ വച്ചു നടന്ന പൂജയിൽ മമിതയും നരേനും പങ്കെടുത്തു. എച്ച്. വിനോദ് സംവിധാനം ചെയ്യുന്ന ചിത്രത്തിൽ പൂജ ഹെഗ്ഡെ ആണ് നായിക, വില്ലനായി ബോബി ഡിയോളും എത്തും. ഒക്റ്റോബറിൽ സിനിമയുടെ ചിത്രീകരണം ആരംഭിക്കും. 2025 ഒക്റ്റോബറിൽ സിനിമ റിലീസ് ചെയ്യും. വിജയ് രാഷ്ട്രീയത്തിലേക്കിറങ്ങുന്ന സാഹചര്യത്തിലാണ് സിനിമാ അഭിനയത്തോട് വിട പറയുന്നത്.
