'പേട്രിയറ്റ്' ഒടിടിയിലേക്ക്; ജൂൺ 5 മുതൽ സ്ട്രീമിങ്

മമ്മൂട്ടിയും മോഹൻലാലും ഒരുമിച്ച പേട്രിയറ്റ് ഒടിടിയിലേക്ക്. ജൂൺ 5 മുതൽ സീ 5ലൂടെ ചിത്രം സ്ട്രീം ചെയ്യും. മഹേഷ് നാരായണൻ സംവിധാനം ചെയ്ത സിനിമ മലയാളത്തിനു പുറമേ ഹിന്ദി, തെലുങ്ക്, തമിഴ്, കന്നഡ ഭാഷകളിലും സ്ട്രീം ചെയ്യും.

ബിഗ് ബജറ്റിൽ നിർമിച്ച ചിത്രത്തിൽ ഫഹദ് ഫാസിൽ, കുഞ്ചാക്കോ ബോബൻ, രേവതി, സറിൻ ഷിഹാബ്, ജിനു എബ്രഹാം, ഇന്ദ്രൻസ്, ദർശന എന്നിവരും പ്രധാന കഥാപാത്രങ്ങളായി എത്തുന്നുണ്ട്.

ഏറെ കാലത്തിനു ശേഷം മമ്മൂട്ടിയും മോഹൻലാലും ഒന്നിച്ചഭിനയിക്കുന്ന സിനിമയ്ക്ക് ആരാധകർ വലിയ സ്വീകരണമാണ് നൽകിയിരുന്നത്.