ഹൈദരാബാദ്: തെന്നിന്ത്യൻ താരം രശ്മിക മന്ദാനയെ കബളിപ്പിച്ച് മാനേജർ 80 ലക്ഷം രൂപ തട്ടിയെടുത്തതായി റിപ്പോർട്ട്. നടിയുടെ അഭിനയ ജീവിതത്തിന്റെ തുടക്കകാലം മുതലേ ഒപ്പമുണ്ടായിരുന്ന മാനേജരാണ് കബളിപ്പിച്ചതെന്നാണ് പുറത്തു വരുന്ന വിവരങ്ങൾ. നടി ഇയാളെ പിരിച്ചു വിട്ടുവെന്നും റിപ്പോർട്ടുകളുണ്ട്.
എന്നാൽ താരം ഇതിനോടൊന്നും പ്രതികരിച്ചിട്ടില്ല. സിദ്ധാർഥ് മൽഹോത്രക്കൊപ്പമുള്ള മിഷൻ മജ്നുവാണ് രശ്മികയുടേതായി തിയെറ്ററിലെത്തിയ ഒടുവിലത്തെ പടം. രൺബീർ കപൂറിനൊപ്പം ആനിമൽ എന്ന ചിത്രത്തിൽ അഭിനയിച്ചു കൊണ്ടിരിക്കുകയാണിപ്പോൾ താരം.
