ജയ്പുർ: രാജസ്ഥാനിലെ കോത്പുരിലിയിൽ ദളിത് വിദ്യാർഥി ആത്മഹത്യ ചെയ്ത സംഭവത്തിൽ രണ്ട് അധ്യാപകരെ സസ്പെൻഡ് ചെയ്തു. ഹോസ്റ്റലിൽ താമസിച്ചിരുന്ന വിദ്യാർഥിയാണ് ക്ലാസ് മുറിയിൽ തൂങ്ങിമരിച്ചത്.
ജാതീയ അധിക്ഷേപത്തെ തുടർന്നാണ് വിദ്യാർഥി ആത്മഹത്യ ചെയ്തതെന്നാണ് ആരോപണം. രണ്ട് അധ്യാപകർ നിരന്തരം അപമാനിക്കുന്നതായും പ്രിൻസിപ്പലോ വൈസ് പ്രിൻസിപ്പലോ ഇവർക്കെതിരെ നടപടിയെടുക്കാൻ തയാറായില്ലെന്നും കുട്ടിയുടെ പിതാവ് ആരോപിച്ചു. സ്കൂളിനെതിരെ പൊലീസ് കേസ് രജിസ്റ്റർ ചെയ്തതോടെയാണ് പ്രതിഷേധത്തിൽ നിന്ന് നാട്ടുകാരും ബന്ധുക്കളും പിന്മാറിയത്.
