ശ്രീകുമാർ
തൃശൂർ: ഭാര്യയെ ക്രൂരമായി മർദിച്ചെന്നാരോപിച്ച് ബിജെപി നേതാവിനെതിരേ കേസ്. ബിജെപി തൃശൂർ സൗത്ത് പ്രസിഡന്റ് ശ്രീകുമാറിനെതിരേയാണ് വധശ്രമമടക്കമുള്ള കേസുകൾ രജിസ്റ്റർ ചെയ്തിരിക്കുന്നത്. ഭാര്യ വൈകിവന്നതിന് ശ്രീകുമാർ ക്രൂരമായി മർദിച്ചെന്നാണ് പരാതി. മർദനമേറ്റ ഭാര്യ നിലവിൽ ആശുപത്രിയിൽ ചികിത്സയിലാണ്.
ചൊവ്വാഴ്ചയാണ് സംഭവം. വീട്ടിലെത്താൻ വൈകി എന്നാരോപിച്ച് ഭാര്യയുടെ തല ചുമരിലിടിക്കുകയും മുഖത്ത് അടിക്കുകയും ചെയ്തുവെന്നാണ് പരാതി. ഭാര്യയുടെ പരാതിയിൽ ഗാർഹിക പീഡനം, വധശ്രമം എന്നിവ അടക്കമുള്ള വകുപ്പുകൾ ചുമത്തിയാണ് പൊലീസ് എഫ്ഐആർ രജിസ്റ്റർ ചെയ്തിരിക്കുന്നത്.
