തിരുവനന്തപുരം : വാഹനത്തിൽ എത്തി വിദേശ മദ്യം വില്പന നടത്തിയ യുവാവ് പിടിയിൽ. തിരുവനന്തപുരം വെഞ്ചാക്കോട് വികാസ് നഗർ സ്വദേശി രതീഷിനെ പൊലീസ് അറസ്റ്റു ചെയ്തു. സിവി നഗർ പ്രദേശത്ത് വെച്ച് 18 കുപ്പി വിദേശ മദ്യവുമായാണ് പ്രതിയെ ശ്രീകാര്യം പൊലീസ് അറസ്റ്റ് ചെയ്തത്.
ഡ്രൈ ഡേ ദിവസങ്ങളിലായിരുന്നു പ്രതിയുടെ മദ്യവിൽപ്പന. ഇത്തരം ദിവസങ്ങളിൽ വിദേശ മദ്യ ഷോപ്പുകൾക്ക് അവധിയായതിനാൽ മുൻ ദിവസങ്ങളിൽ ബിവറേജ് കോർപറേഷനിൽ നിന്ന് വൻ തോതിൽ മദ്യം വാങ്ങി വിറ്റഴിക്കുകയാണ് പതിവ്. പൊലീസിനു കിട്ടിയ രഹസ്യ വിവരത്തിന്‍റെ അടിസ്ഥാനത്തിലാണ് പ്രതിയെ പിടികൂടിയത്.
