കൊല്ലത്ത് അമ്മയെ മകൻ വെട്ടിപ്പരുക്കേൽപ്പിച്ചു

കൊല്ലം: കൊല്ലത്ത് അമ്മയെ മകൻ വെട്ടിപ്പരുക്കേൽപ്പിച്ചു. കൊട്ടാരക്കര ഇടിസിയിലെ രാധാമണി (65)ക്കാണ് പരുക്കേറ്റത്. രാധാമണി അടുക്കളയിൽ നിൽക്കുമ്പോൾ മകൻ മഹേഷ് (37) പിന്നിലൂടെയെത്തി ആക്രമിക്കുകയായിരുന്നു.

കഴുത്തിന് വെട്ടേറ്റ രാധാമിയെ ഉടൻ തന്നെ തിരുവനന്തപുരം മെഡിക്കൽ കോളെജ് ആശുപത്രിയിലേക്ക് മാറ്റി. അയൽക്കാർ അറിയിച്ചതിനെ തുർന്ന് കൊട്ടാരക്കാര പൊലീസ് എത്തി മഹേഷിനെ കസ്റ്റഡിയിലെടുത്തു. എന്താണ് ആക്രമണത്തിന് പിന്നാലെ പ്രകോപനമെന്ന് വ്യക്തമല്ല.