കോട്ടയം: കുറിച്ചിയിൽ യുവതിയുടെ വീട്ടിൽ കയറി അതിക്രമം നടത്തിയ കേസിൽ ഒരാളെ പൊലീസ് അറസ്റ്റ് ചെയ്തു. കുറിച്ചി എസ്.പുരം നിതീഷ് ഭവൻ വീട്ടിൽ നിധീഷ് ചന്ദ്രൻ(33) എന്നയാളെയാണ് ചിങ്ങവനം പൊലീസ് അറസ്റ്റ് ചെയ്തത്. ഇയാളും സുഹൃത്തുക്കളും ചേർന്ന് കഴിഞ്ഞദിവസം വെളുപ്പിന് ഒരു മണിയോടെ സമീപവാസിയായ യുവതിയുടെ വീടിന്‍റെ കതക് തള്ളിത്തുറന്ന് യുവതിയെയും വീട്ടുകാരെയും ചീത്ത വിളിക്കുകയും കൊല്ലുമെന്ന് ഭീഷണിപ്പെടുത്തുകയുമായിരുന്നു.
കൂടാതെ ഇഷ്ടികകൊണ്ട് എറിഞ്ഞ് വീടിന്‍റെ ജനലുകൾക്കും നാശനഷ്ടം വരുത്തി. ഇവർക്ക് യുവതിയുടെ സഹോദരങ്ങളുമായി മുൻവൈരാഗ്യം നിലനിന്നിരുന്നു. ഇതിന്‍റെ പേരിലാണ് ഇവർ വീട്ടിൽ കയറി ആക്രമണം നടത്തിയത്. പെൺകുട്ടിയുടെ പരാതിയെ തുടർന്ന് ചിങ്ങവനം പൊലീസ് കേസ് രജിസ്റ്റർ ചെയ്യുകയും തുടര്‍ന്ന് നടത്തിയ തെരച്ചിലില്‍ ഇയാളെ പിടികൂടുകയുമായിരുന്നു.
ചിങ്ങവനം സ്റ്റേഷന്‍ എസ്.എച്ച്.ഓ അനിൽകുമാര്‍, എസ്.ഐ വിപിന്‍ ചന്ദ്രന്‍, സി.പി.ഓ അനില്‍ കുമാര്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി. മറ്റു പ്രതികൾക്കായി തെരച്ചിൽ ശക്തമാക്കി.
