12 കോടിയുടെ ഭാഗ്യശാലി! വിഷു ബമ്പർ ഫലം പ്രഖ്യാപിച്ചു

തിരുവനന്തപുരം: കേരള സംസ്ഥാന ഭാ​ഗ്യക്കുറി വകുപ്പിന്‍റെ ഈ വർഷത്തെ വിഷു ബമ്പറിന്‍റെ ഫലം പ്രഖ്യാപിച്ചു. ഒന്നാം സമ്മാനമായ 12 കോടി VD204266 നമ്പർ ടിക്കറ്റിനാണ്. പാലക്കാട് ജില്ലയിൽ വിറ്റ ടിക്കറ്റിനാണ് ഒന്നാം സമ്മാനം.

ഭാഗ്യക്കുറി വകുപ്പിന്‍റെ ഔദ്യോഗിക വെബ്സൈറ്റായ https://keralalotteries.com ൽ ഫലം ലഭ്യമാകും. തിരുവനന്തപുരം ബേക്കറി ജംങ്ഷനിലുള്ള ഗോർഖി ഭവനിൽ വച്ചായിരുന്നു നറുക്കെടുപ്പ്.

രണ്ടാം സമ്മാനം നേടിയ വിജയ നമ്പറുകൾ (1 കോടി): VA 699731, VB 207068, VC 263289, VD 277650, VE 758876, VG 203046

മൂന്നാം സമ്മാനം നേടിയ വിജയ നമ്പറുകൾ (10 ലക്ഷം) : VA 223942, VB 207548, VC 518987, VD 682300, VE 825451, VG 273186

ഒരു കോടി രൂപയാണ് രണ്ടാം സമ്മാനം. 6 പരമ്പരകൾക്ക് ഒരു കോടി വീതമാകും ലഭിക്കുക. 10 ലക്ഷം വീതം 6 പരമ്പരകൾക്ക് ലഭിക്കുന്നതാണ് മൂന്നാം സമ്മാനം. 5 ലക്ഷമാണ് നാലാം സമ്മാനം. 5 ലക്ഷം വീതമാണ് ഓരോ പരമ്പരകൾക്കും ലഭിക്കുക. VA, VB, VC, VD, VE, VG എന്നിങ്ങനെ 6 പരമ്പരകളിലായുള്ള ടിക്കറ്റിന് 300 രൂപയാണ് വില. ഇത്തവണയും പാലക്കാടുതന്നെയാണ് വില്പനയിൽ ഒന്നാം സ്ഥാനത്തെത്തിയത്. തൊട്ടുപിന്നാലെ രണ്ടാം സ്ഥാനത്ത് തിരുവനന്തപുരവും മൂന്നാം സ്ഥാനത്ത് തൃശ്ശൂർ ജില്ലയുമാണ്.