പോക്സോ കേസിലെ പ്രതിയെ യുവതി പീഡിപ്പിച്ചെന്ന് പരാതി

കാസർഗോഡ്: പതിനേഴുകാരനെ പീഡിപ്പിച്ചുവെന്ന പരാതിയിൽ 36 വയസുകാരിക്കെതിരേ പോക്സോ കേസ്. കാസർഗോഡ് ഹൊസ്ദുർഗ് പൊലീസാണ് കേസെടുത്തിരിക്കുന്നത്. സ്റ്റേഷനിൽ രജിസ്റ്റർ ചെയ്ത മറ്റൊരു പോക്സോ കേസിലെ പ്രതിയാണ് പതിനേഴുകാരൻ.

ഈ കേസിൽ ചോദ്യം ചെയ്തപ്പോഴാണ് മുൻപ് താനും പീഡിപ്പിക്കപ്പെട്ടതായി ആൺകുട്ടി വെളിപ്പെടുത്തിയത്. തുടർന്നാണ് പൊലീസ് കേസ് രജിസ്റ്റർ ചെയ്തത്. സംഭവം നടന്നത് രാജപുരം പൊലീസ് സ്റ്റേഷൻ പരിധിയിലായതിനാൽ കേസ് അങ്ങോട്ടേക്ക് മാറ്റി.