പാലക്കാട് 2 വിദ്യാർഥികൾ ഒഴുക്കിൽ പെട്ട് മരിച്ചു
ചിറ്റൂർ: കമ്പാലത്തറ ഏരിയിൽ കുളിക്കാനിറങ്ങിയ 2 വിദ്യാർഥികൾ മുങ്ങി മരിച്ചു. പുതുനഗരം കുളത്തു വീട് മായൻ വീട്ടിൽ കാർത്തിക് (19) ചിറ്റൂർ അണിക്കോട് തറക്കളം ചൈതന്യയിൽ വിഷ്ണു പ്രസാദ് (18) എന്നിവരാണ് മരിച്ചത്.
ഞായറാഴ്ച വൈകിട്ട് നാലേകാലോടെയായിരുന്നു അപകടം. സുഹൃത്തിന്‍റെ വീട്ടിലെത്തിയതായിരുന്നു ഇരുവരും. ഏരിയിൽ കുളിക്കാറിങ്ങിയപ്പോൾ വിഷ്ണു പ്രസാദ് ഒഴുക്കിൽപെടുകയായിരുന്നു. രക്ഷിക്കാൻ ശ്രമിക്കുന്നതിനിടെ കാർത്തിക്കും ഒഴുക്കിൽപെട്ടു. പിന്നാലെ അഗ്നിരക്ഷാ സേന നടത്തിയ തെരച്ചിലിൽ ആറുമണിയോടെ ഇരുവരുടെയും മൃതദേഹങ്ങൾ കണ്ടെത്തുകയായിരുന്നു.
