കോഴിക്കോട്: തെരുവ് നായയുടെ കടിയേറ്റ് കോഴിക്കോട് നാദാപുരം കല്ലാച്ചിയിൽ മൂന്നര വയസുകാരന് ഗുരുതരപരിക്ക്. ക്വാർട്ടേഴ്സിന് മുന്നിൽ കളിച്ചു കൊണ്ടിരുന്ന അതിഥി തൊഴിലാളിയുടെ മൂന്നര വയസുകാരനായ മകനെയാണ് തെരുവുനായ കടിച്ചത്. കുഞ്ഞിന്റെ മുഖത്തിലും കൈക്കും പരിക്കേറ്റിട്ടുണ്ട്.
കുട്ടിയെ ആദ്യം വടകര ജില്ലാ ആശുപത്രിയിൽ പ്രവേശിപ്പിച്ചെങ്കിലും പിന്നീട് കോഴിക്കോട് മെഡിക്കൽ കോളേജിലേക്ക് മാറ്റുകയായിരുന്നു. ആക്രമിച്ച നായയെ ഇതുവരെ പിടികൂടാൻ സാധിക്കാത്തത് നാട്ടുകാരെ ആശങ്കയിലാക്കിയിട്ടുണ്ട്. തെരുവുനായുടെ ആക്രമണത്തിൽ മറ്റൊരാൾക്കും പരിക്കേറ്റിട്ടുണ്ട്.
