ദിലീപിനെ വെറുതെ വിട്ട നടപടി റദ്ദാക്കണം; നടിയെ ആക്രമിച്ച കേസിൽ അപ്പീലുമായി സർക്കാർ
കൊച്ചി: നടിയെ ആക്രമിച്ച കേസിൽ അപ്പീൽ നൽകി സർക്കാർ. വിചാരണ കോടതി വിധിക്കെതിരേ ഹൈക്കോടതിയിലാണ് സർക്കാർ അപ്പീൽ നൽകിയത്. വിചാരണ നീതിപൂർവമല്ലെന്നും ദിലീപിനെതിരേ ശക്തമായ തെളിവുണ്ടെന്നും അപ്പീലിൽ വാദിക്കുന്നു.
പ്രതികളെ വെറുതെവിട്ട നടപടി റദ്ദാക്കണം, പൾസർ സുനിയുടെ ശിക്ഷ വർധിപ്പിക്കണം തുടങ്ങിയ ആവശ്യങ്ങളും അപ്പീലിൽ ഉയർത്തുന്നു. വ്യക്തമായ നിയമോപദേശത്തിന് ശേഷമാണ് കേസിൽ സർക്കാർ അപ്പീൽ സമർപ്പിച്ചത്.
